وڭىرلەر اراسىنداعى بلوكپوستار ءازىر الىنبايدى

نۇر- سۇلتان. قازاقپارات - قازاقستاندا قالالار اراسىنداعى تاسجولداردا بلوكپوستاردى الۋ جوسپارلانىپ وتىرعان جوق.

بۇل تۋرالى ق ر د س م تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ ءتوراعاسى تيمۋر سۇلتانعازيەۆ ايتتى، دەپ حابارلايدى قازاقپارات ءتىلشىسى.

«بۇگىنگى كۇنى قالالار اراسىنداعى بلوكپوستار ءالى دە ساقتالادى جانە وبلىستار مەن وڭىرلەر اراسىنداعى قوزعالىسقا دا شەكتەۋ بار. قازىرگى ۋاقىتتا اتالعان بلوكپوستاردى الىپ باستاۋدى كوزدەپ وتىرعان جوقپىز. بۇل، وڭىرلەردەگى ەپيدەميولوگيالىق احۋالدىڭ ءارتۇرلى بولۋىمەن بايلانىستى. ونى وزدەرىڭىز دە كورىپ وتىرسىزدار. ايتالىق، سوڭعى بىرنەشە كۇن بويى شىمكەنت قالاسى مەن اتىراۋ وبلىسىندا ايتارلىقتاي ءوسىم ورىن الۋدا. وڭىرلەر اراسىنداعى كارانتين شارالارىن جەڭىلدەتۋ جانە بلوكپوتتاردى الۋ ينفەكتسيانىڭ شىمكەنت قالاسىنان تۇركىستان وبلىسىنا نەمەسە اتىراۋ وبلىسىنان وعان جاقىن وڭىرلەرگە تارالۋىنا اكەلۋى مۇمكىن» ، - دەدى ول «دەنساۋلىق مينيسترلىگى حابارلايدى.. .» باعدارلاماسى بارىسىندا. وسى رەتتە كوميتەت ءتوراعاسى اۋە رەيستەرىنىڭ قايتا جاندانىپ، جيىلىكتەرىن ارتتىرۋ سەبەبىن ءتۇسىندىرىپ بەردى.

«ۇشاقتا بولۋ ۋاقىتى قىسقا ەكەندىگىن ءتۇسىنۋ قاجەت. نۇر- سۇلتاننان الماتىعا دەيىن 1,5 ساعات قانا ۇشاسىڭ. تاۋەكەل ايتارلىقتاي ۇلكەن ەمەس. ال حالىقتىڭ ءبىر وڭىردەن ەكىنشىسىنە جاپپاي قوزعالۋىنىڭ تاۋەكەلى وتە جوعارى. ادامدار وڭىرلەردىڭ اراسىندا اۆتوموبيلمەن جاپپاي جۇرە باستايتىندىعىن ءتۇسىنۋ قاجەت. ال ول ادامنىڭ بۇعان دەيىن قايدا بولعانىن، كىممەن قارىم- قاتىناستا بولعانىن ەشكىم بىلمەيدى»، - دەدى تيمۋر سۇلتانعازيەۆ.