12:57, 18 - مامىر 2020 | GMT +5
بەيسەن قۇرانبەك قازاق جۋرناليستيكاسىندا وزىندىك قولتاڭباسىن قالدىردى – اقپارات جانە قوعامدىق دامۋ ءمينيسترى
نۇر-سۇلتان. قازاقپارات - اقپارات جانە قوعامدىق دامۋ ءمينيسترى ايدا بالايەۆا بەيسەن قۇرانبەكتىڭ وتباسىنا، جاقىندارىنا كوڭىل ايتتى، دەپ حابارلايدى قازاقپارات.
«ەلىمىزگە بەلگىلى جۋرناليست، حالقىمىزدىڭ اياۋلى ۇلى بەيسەن قۇرانبەكتىڭ قازاسى بارشامىزعا اۋىر ءتيدى. «ايتۋعا وڭاي»، «قارەكەت» باعدارلامالارى ارقىلى قازاق جۋرناليستيكاسىندا وزىندىك قولتاڭباسىن قالدىرعان تەلەجۇرگىزۋشى، ەلدىڭ مۇڭىن ءوز مۇڭىنداي كورىپ، كوپكە قامقور بولعان جومارت جۇرەكتى ازامات باقيعا اتتاندى. مارقۇمنىڭ وتباسىنا، جاقىندارىنا قايعىلارىنا ورتاقتاسىپ، كوڭىل ايتامىز»، دەپ جازدى ايدا بالايەۆا Facebook-تەگى پاراقشاسىندا.
ەسكە سالا كەتسەك، بۇعان دەيىن بەلگىلى جۋرناليست بەيسەن قۇرانبەك دۇنيەدەن وتكەنى حابارلانعان ەدى.
