قىتايلىق بەلگىلى ەپيدەميولوگ كوروناۆيرۋستىڭ ەكىنشى تولقىنى مەن ونىڭ جاسىرىن قالعان مالىمەتتەرىن اتادى
ەپيدەميولوگتىڭ سوزىنشە، بۇگىندە قىتاي ۆيرۋستى باسەڭدەتىپ، قالىپتى ومىرگە ورالعانىمەن، كوروناۆيرۋستىڭ ەكىنشى تولقىنى بولۋ قاۋپى بار. سوڭعى اپتادا قىتايدا كوروناۆيرۋستىڭ جاڭا وشاقتارى پايدا بولعان - ۋحاندا جانە حەيلۋنجيان جانە جيلين پروۆينسياسىنىڭ سولتۇستىك- شىعىسى. جۋن نانشان قىتايلىقتاردىڭ كوروناۆيرۋسقا قارسى يممۋنيتەتى جوعى الاڭداتىنىن ايتادى.
«قىتايلىقتاردىڭ باسىم كوپشىلىگى كوروناۆيرۋس جۇقتىرۋ قاۋپى بار، سەبەبى ولاردىڭ COVID-19-عا قارسى يممۋنيتەتى جوق. بۇگىندە ەلدەگى جاعداي شەتەلگە قاراعاندا جاقسى ەمەس»، - دەيدى ول.
پروفەسسوردىڭ سوزىنشە، كوروناۆيرۋس العاش انىقتالعان ۋحاندا، جەرگىلىكتى بيلىك ۆيرۋستىڭ ماسشتابى تۋرالى نەگىزگى اقپاراتتاردى ايتپاعان. ودان بولەك، ۋحان بيلىگى ۇكىمەتتەن ۆيرۋستىڭ تابيعاتى تۋرالى اقپاراتتى جاسىرىپ قالماق بولعان. ەپيدەميولوگتىڭ سوزىنشە، جەرگىلىكتى شەنەۋنىكتەر ۆيرۋس ادامنان ادامعا تارايتىنىن ايتقىسى كەلمەگەن.
ساراپشى ۆيرۋس ناقتى قايدان پايدا بولعانى تۋرالى سۇراققا «ازىرشە تۇپكىلىكتى قورىتىندى جاساۋ قيىن ەكەنىن، ءبىراق ول جانۋارلاردان تاراعان بولۋى مۇمكىن ەكەنىن» ايتتى.
قىتايدىڭ دەنساۋلىق ساقتاۋ بويىنشا ۇلتتىق كوميسسياسىنىڭ مالىمەتىنشە، ەلدە 82 مىڭعا جۋىق ادام COVID-19 جۇقتىرسا، ونىڭ 4633 ى قايتىس بولعان.
