ەلوردانىڭ ورتالىق بازارى بۇرىنعى رەجيمدە جۇمىس ىستەۋگە دايىن با

نۇر-سۇلتان. قازاقپارات - ەلوردا اكىمدىگى قالانىڭ ءىرى ساۋدا ورتالىعىنىڭ دايىندىعىن تەكسەرىپ، ونىڭ جۇمىسىنا «جاقسى» دەگەن باعا بەردى، دەپ حابارلايدى قازاقپارات نۇر-سۇلتان قالاسى اكىمدىگىنىڭ رەسمي سايتىنا سىلتەمە جاساپ.

«بۇگىن ءبىز سەس ورگاندارىمەن بىرگە كارانتيندى جەڭىلدەتۋ اياسىندا ورتالىق بازار جۇمىسىن قالپىنا كەلتىرۋ دايىندىعىن تەكسەردىك. دايىندىق جوعارى. نەگىزىندە، بارلىق بازارلار انتيسەپتيك، ماسكالارمەن قامتامتىلىپ، لوگيستيكا ۇيىمداستىرىلعان. بازار باسشىلىعىمەن سانيتارلىق نورمالاردىڭ ساقتالۋىنا باقىلاۋ جۇرۋدە. باقىلاۋ ءارى قاراي جالعاسادى»، - دەدى نۇر-سۇلتان قالالىق ينۆەستيسيا جانە كاسىپكەرلىكتى دامىتۋ باسقارماسىنىڭ باسشىسى ەرلان بەكمۋرزايەۆ.

ورتالىق بازاردىڭ باسقارۋشى كومپانياسىنىڭ ديرەكتورى اتاحان ابديجاليلوۆتىڭ ايتۋىنشا، ساۋداگەرلەر مەن بازار قىزمەتكەرلەرى انتيسەپتيك، قولعاپ، سانيتايزەرلەرمەن تولىق قامتىلعان.

«ءبىز مۇنى كۇندەلىكتى تەكسەرەمىز»، - دەدى ول.