بالا اسىراپ الۋ كەزىندە بەرىلەتىن اقشالاي تولەمدى الۋ جەڭىلدەتىلدى

نۇر- سۇلتان. قازاقپارات - ەلەكتروندى ۇكىمەت پورتالى ارقىلى بالا اسىراپ الۋعا بايلانىستى ءبىرجولعى اقشالاي تولەمدى تاعايىنداۋعا ءوتىنىش بەرۋ جەڭىلدەدى، دەپ حابارلايدى قازاقپارات ۇلتتىق اقپاراتتىق تەحنولوگيالار ورتالىعىنا سىلتەمە جاساپ.

«ءبىز بۇل پروتسەستى بارىنشا جەڭىلدەتۋگە تىرىستىق جانە ەندى تولەمدى الۋ ءۇشىن تەك نەگىزگى مالىمەتتەردى ەنگىزۋ قاجەت. تاعايىندالعان تولەم سوماسى كورسەتىلگەن جاۋاپ نەمەسە باس تارتۋ تۋرالى دالەلدى جاۋاپ پايدالانۋشىنىڭ جەكە كابينەتىنە كەلىپ تۇسەدى. بۇل قىزمەتتە بالا تۋرالى ۇسىنىلعان دەرەكتەردى، بانك شوتى تۋرالى دەرەكتەردى تەكسەرۋ سىرتقى اقپاراتتىق جۇيەلەردەن جۇرگىزىلەدى. بۇل - بۇرىن بولماعان جاڭاشىلدىق. اتالعان جاڭارتۋلار قىزمەت كورسەتۋ ۋاقىتىن ايتارلىقتاي قىسقارتتى»، - دەپ ءتۇسىندىردى «ۇ ا ت» ا ق باسقارما ءتوراعاسى اسەت تۇرىسوۆ.

كورسەتىلگەن قىزمەتتى الۋ ءۇشىن eGov.kz كىرىپ، «وتباسى» قوسىمشا بەتىن تاڭداۋ كەرەك. سونىڭ «بالا» اتتى بولىمىندە «جەتىم بالانى جانە (نەمەسە) اتا-انا قامقورلىعىنسىز قالعان بالانى اسىراپ الۋعا بايلانىستى ءبىرجولعى اقشالاي تولەمدى تاعايىنداۋ» كورسەتىلەتىن قىزمەتىن تاڭداۋ قاجەت.

بۇدان ءارى پورتالدا اۆتورلانۋ جانە «قىزمەتكە ونلاين تاپسىرىس بەرۋ» باتىرماسى بويىنشا ءوتۋ. سودان سوڭ بالا اسىراپ الۋ تۋرالى سوت شەشىمى تۋرالى مالىمەتتەردى، بالانىڭ ج س ن جانە بالا اسىراپ الۋشىنىڭ (ءوتىنىش بەرۋشىنىڭ) اتىنا ەكىنشى دەڭگەيدەگى بانكتە اشىلعان جەكە شوتتىڭ ءنومىرىن ەنگىزۋ قاجەت، سودان سوڭ قىزمەتتى س م س- پارول نەمەسە ە ت س ق كومەگىمەن قول قويۋ قاجەت.

قىزمەت نۇر-سۇلتان، الماتى جانە شىمكەنتتە، سونداي-اق وبلىستار مەن وبلىستىق ماڭىزى بار قالالاردا كورسەتىلەدى.

قىزمەت كورسەتۋ مەرزىمى - 5 جۇمىس كۇنى.