الماتىدا قانداي نىساندار مەن كاسىپورىنداردىڭ جۇمىس ىستەۋىنە تىيىم سالىنعان

الماتى. قازاقپارات - الماتى قالاسىنىڭ باس مەملەكەتتىك سانيتار دارىگەرى جانداربەك بەكشيننىڭ قاۋلىسىنا سايكەس، ءبىرقاتار نىساندار مەن كاسىپورىندارعا جۇمىس ىستەۋگە رۇقسات بەرىلگەن جوق، دەپ حابارلايدى قازاقپارات ءتىلشىسى.

«الماتى قالاسىندا كارانتين شارالارىنىڭ رەجيمى مەن مەرزىمى COVID-19 ينفەكسياسىنىڭ تارالۋى بويىنشا قالىپتاسقان ەپيدەميولوگيالىق جاعدايعا سايكەس وزگەرتىلۋى مۇمكىن» دەلىنگەن الماتى قالاسىنىڭ باس مەملەكەتتىك سانيتار دارىگەرى جانداربەك بەكشيننىڭ قاۋلىسىندا. شەشىمگە سايكەس، الماتى اكىمدىگى مەن قالانىڭ اۋداندارى، پوليتسيا دەپارتامەنتى، كاسىپكەرلىك، يندۋستريالدى- يننوۆاتسيالىق دامۋ باسقارماسى جانە «اتامەكەن» ۇ ك پ وسى تىيىمنىڭ ساقتالۋىن قامتاماسىز ەتۋى ءتيىس. اتاپ ايتساق، ءدىني ورىندار، ساۋدا جانە ويىن- ساۋىق ورتالىقتارى، كينوتەاترلار، تەاترلار، كورمەلەر، ينتەرنەت جانە كومپيۋتەر كلۋبتارى، ويىن ورىندارى، وتباسىلىق دەمالاتىن ورتالىقتار مەن حالىق كوپ جينالاتىن باسقا دا وبەكتىلەر جۇمىس ىستەمەيدى. ودان بولەك: - اۆتوبۋس بەكەتتەرى، تەمىرجول ۆوكزالى، وبلىس، قالا، ەلدى مەكەندەر اراسىندا جولاۋشى تاسىمالدايتىن اۆتوستانسالار؛

- ءبىلىم بەرۋ ورتالىقتارى، ارت- كلۋبتار، بالالارعا ارنالعان ويىن ورتالىقتارى؛

- مەكتەپكە دەيىنگى مەكەمەلەر، ويىن- ساۋىق ورتالىقتارى (بۋكمەرلىك كەڭسەلەر، بيليارد، كاراوكە، ps-كلۋب، كۆەست، انتيكافە، بوۋلينگ- ورتالىقتارى)

- فيتنەس، يوگا، باسسەين، ت ي ر جانە باسقالار.

- تۋريستىك نىساندار مەن حالىققا قىزمەت كورسەتۋ سالاسىنداعى نىساندار (قوناق ۇيلەر، دەمالىس ۇيلەرى، تۋريستىك ورتالىقتار جانە باسقالار)؛

- اۋدانى 500 شارشى مەتردەن اساتىن ازىق- تۇلىك ساتپايتىن دۇكەندەر، ساۋدا ورتالىقتارى.

ەسكە سالايىق، بۇل شەكتەۋلەر ەپيدەميلوگيالىق جاعدايعا بايلانىستى وزگەرۋى مۇمىكىن.

اۆتور: الما مۇقانوۆا