ەلوردادا ماسامەن كۇرەستە جۋسان پايدالانىلماق
Facebook-تەگى استانانىڭ ادالدىق الاڭى پاراقشاسىندا وتكەن ونلاين بريفينگ بارىسىندا «ۇركەر» شاعىن اۋدانىنىڭ تۇرعىندارى ماسانىڭ كوپتىگىنە شاعىمدانعان بولاتىن.
«بۇل وزەكتى ماسەلە ەكەندىگىن ءبارىمىز تۇسىنەمىز. ول جەر باتپاقتى بولىپ كەلەدى. قازىرگى ۋاقىتتا ماسانى ۋلاۋ ورتالىقتاندىرىلعان، ءبىر اكىمشى اينالىسىپ جاتىر. بۇگىندە ماسانى ۋلاۋدىڭ ەكىنشى كەزەڭى جۇرگىزىلۋ ۇستىندە. وسىدان ءۇش كۇن بۇرىن عانا ولار قورعالجىن تاس جولى جاقتان ماسانى ۋلاۋدى باستادى»، - دەدى ەسىل اۋدانىنىڭ اكىمى.
ونىڭ اتاپ وتۋىنشە، ماسامەن كۇرەسكە باعىتتالعان جۇمىستار قارقىندى جۇرگىزىلىپ جاتىر.
«كەشە جەلدى اۋا رايى كەزىندە 1 ماسانىڭ 30 شاقىرىمعا دەيىن ۇشىپ بارا الاتىندىعىن وقىعان ەدىم. جالپى، تەك ۋلاۋ جۇمىستارىن عانا جۇرگىزە بەرمەي بۇل ماسەلەنى جۇيەلى تۇردە شەشۋ قاجەت. كەي جەردە وسىمدىكتەردىڭ قاسيەتىنە دە دەن قويعان دۇرىس بولار. ماسانى قۋاتىن وسىمدىكتىڭ ءتۇرى كوپ. ماسەلەن، ولاردىڭ ءبىرى - جۋسان. ءبىراق، كەيبىر تۇرعىنداردىڭ بۇل وسىمدىككە اللەرگياسى بار. دەگەنمەن، بۇل وسىمدىك ماسانى قۋۋدا جاقسى قۇرال بولار ەدى»، - دەدى بەرىك جاكەنوۆ.
