نيدەرلاندى مەيرامحاناسى پاندەميا كەزىندە جۇمىستىڭ وزگەشە ادىسىنە كوشتى
امستەردامداعى Mediamatic مەيرامحاناسىنىڭ ۆيدەوسىن Ruptly اگەنتتىگى جاريالادى. كادرلارعا قاراعاندا، مەكەمە ءوز كەلۋشىلەرىن بەكىتىلگەن الەۋمەتتىك ارا قاشىقتىق تالاپتارىنا سايكەستەندىرىپ، اينەكتەن جاسالعان ارنايى «جىلىجايلارعا» جايعاستىرادى. مەيرامحانا قىزمەتكەرلەرى جەكە قورعانىس قۇرالدارىمەن تولىق جابدىقتالعان.
مەكەمەنىڭ قوجايىنى ۆيللەم ۆەلتحوۆەن 20-مامىرعا دەيىن بارلىق ورىندار بروندالعانىن اتاپ ءوتتى. «ءبىر كۇننىڭ ىشىندە 240 تاپسىرىس الدىق»، - دەيدى ول. سوڭعى دەرەكتەرگە سايكەس، نيدەرلاندىدا COVID-19 ينفەكسياسىن جۇقتىرۋدىڭ 41087 دەرەگى تىركەلگەن. 250 ناۋقاس ەمدەلىپ شىقسا، 5168 ادام اۋرۋدان كوز جۇمدى. جالپى، ءساۋىردىڭ سوڭىندا ەل اۋماعىندا ۆيرۋستىڭ تارالۋ قارقىنى باسەڭدەگەن.
وسىعان وراي نيدەرلاندى پرەمەر-ءمينيسترى مارك ريۋتتە وقشاۋلاۋ شارالارىنىڭ جەڭىلدەتىلگەنىن ءمالىم ەتتى.
ەسكە سالا كەتەيىك، سوڭعى دەرەكتەرگە سايكەس، قازاقستان بويىنشا COVID-19 ينفەكتسياسىن جۇقتىرعاندار سانى 4344 ادامعا جەتتى.
