جىل باسىنان بەرى ەلىمىزدە ەڭ كوپ ساتىلعان كولىك برەندتەرى انىقتالدى
بۇل تۋرالى قازاقپارات «قازاۆتوونەركاسىپ» اۆتوكولىك سالاسىنداعى كاسىپورىندار وداعىنا سىلتەمە جاساپ حابارلايدى.
«اتالعان كەزەڭدە رەسمي ديلەرلەر 18368 كولىكتى ساتتى. بۇل ءبىر جىل بۇرىنعى كورسەتكىشتەن 2,7 پايىزعا تومەن. قاڭتار-ءساۋىر ايلارىندا قازاقستاندىقتار جاڭا جەڭىل كولىكتەردى الۋعا 169,3 ملرد تەڭگە جۇمساپ، 2019 -جىلعى دەڭگەيدەن 4,9 پايىزعا از بولدى»، - دەلىنگەن تاراتىلعان مالىمەتتە.
كولىك ساتىپ الۋشى 11709 ادام (63,7 پايىزى) وتاندىق زاۋىتتاردىڭ ءونىمى بويىنشا ءوز تاڭداۋىن جاساعان. سونىمەن قاتار، بيىلعى ءتورت ايدا ساتىلعان 665 اۆتوموبيل (36,3 پايىزى) يمپورتقا تيەسىلى بولىپ وتىر. اتالعان مەرزىمدە ەلىمىزدە سۇرانىسى جوعارى برەندتەردىڭ اراسىندا Lada (3711 كولىك)، Hyundai (3171)، Toyota (2877 )، KIA (1952) جانە Ravon (1890) ماركالى كولىكتەرى كوش باستادى. مۇنىمەن قوسا، جاقسى وتكىزىلگەن توپ-10 قۇرامىنا Renault (812 كولىك)، GAZ (664)، Nissan (659)، Volkswagen (516) مەن UAZ (412) ەندى.
فوتو: azh.kz
