دارىگەرلەر شىلىم شەگۋ كوروناۆيرۋستان قورعايدى دەگەن ميفتى جوققا شىعاردى

الماتى. قازاقپارات - تەمەكى شەگۋشىلەر كوروناۆيرۋس ينفەكسياسىن جۇقتىرمايدى دەگەن ميفتى الماتىداعى كارديولوگيا جانە ىشكى اۋرۋلار ع ز ي كۇندىزگى ستاتسيونارىنىڭ تەراپيەۆتى گاۋحار قوجاكەيەۆا جوققا شىعاردى، دەپ حابارلايدى قازاقپارات.

ددسۇ مالىمەتتەرى بويىنشا، جەر بەتىندەگى 7,5 ميلليارد حالىقتىڭ شامامەن 1 ميللياردى تەمەكى شەگەدى. جىل سايىن 5,7 ميلليارد تەمەكى شەگىلەدى، شامامەن 1 ميلليون. توننا تەمەكى تۇقىلى تاستالادى، دەپ حابارلايدى The TobaccoAtlas امەريكالىق باستاماشى توپ ساراپشىلارى.

ولار تەك قورشاعان ورتاعا عانا ەمەس، سونىمەن قاتار ادامدارعا دا زيان كەلتىرەتىنى تۋرالى فاكتىلەردى ۇسىندى، سەبەبى ول سەلليۋلوزا اسەتاتىنان، تابيعي جاعدايلاردا ءىس جۇزىندە ىدىراتىلماعان ونىمنەن تۇرادى.

«دۇنيەجۇزىلىك ءولىم-ءجىتىمنىڭ بارلىق سەبەبىنىڭ ىشىندە تەمەكىنى تۇتىنۋدان بولاتىن ءولىم ەكىنشى ورىندا. سونىمەن قاتار، تەمەكى شەگۋدى بۇكىل الەمدەگى ادامداردىڭ ءولىمىنىڭ سەبەپشىسى بولاتىن فاكتورلاردىڭ ءبىرى دەپ ساناۋعا بولادى. زياندى ادەت ادامنىڭ ءومىرىن 10-14 جىلعا قىسقارتادى. جالپى، تەمەكى شەگۋ ادام اعزاسىنىڭ بارلىق ورگاندارى مەن جۇيەلەرىنە، اتاپ ايتقاندا جۇرەك- تامىر، اس قورىتۋ، رەپرودۋكتيۆتى جۇيە، كورۋ مۇشەلەرى، ءزار شىعارۋ ورگاندارىنا تەرىس اسەر ەتەدى. بارلىق مۇشەلەر مەن جۇيەنىڭ زاقىمدانۋى ينسۋلت، ەرىننىڭ، ءتىلدىڭ، كومەيدىڭ، وڭەشتىڭ، وكپەنىڭ وبىرى، پارودونتيت، ستوماتيت، ءسووا، ستەنوكارديا، قولقا انيەۆريزماسى، شاشىراڭقى سكلەروز، ميوكارد ينفاركتىسى، گيپەرتونيالىق اۋرۋ، اتەروسكلەروز، اسقازان مەن ۇلتاباردىڭ ويىق جاراسى، گاستروەزوفاگەالدىق رەفليۋكس، وستەوپوروز، بەدەۋلىك، يمپوتەنتسيا سەكىلدى سوزىلمالى اۋرۋلارعا اكەلەدى»، - دەدى گ. قوجاكەيەۆا.

دارىگەردىڭ ايتۋىنشا، تەمەكى شەگۋشىلەردە يممۋنيتەتتىڭ تومەندەۋى جانە وكپە ءتىنىنىڭ زاقىمدانۋى اياسىندا اۋرۋ كوبىنەسە پنيەۆمونيانىڭ دامۋىمەن اۋىر فورمالارعا اۋىساتىنى دالەلدەندى. سوندىقتان تەمەكى شەگۋ ادامدى كورونوۆيرۋس جۇقتىرۋدان قورعايدى دەپ ايتۋ دۇرىس ەمەس. كەرىسىنشە، تەمەكى شەگۋ اۋىر اۋرۋلار مەن ولىمگە اكەلەتىن قوسىمشا قاۋىپ تۋدىرادى.