قازاقستان مەن وزبەكستان ماقتاارالداعى سۋ باسقان ايماقتاردى قالپىنا كەلتىرۋ جونىندە كەلىسسوز جۇرگىزدى

تۇركىستان. قازاقپارات - بۇگىن قازاقستان رەسپۋبليكاسى ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ وزبەكستاننىڭ سۋ شارۋاشىلىعى ءمينيسترى شاۆحات حامرايەۆپەن كەزدەستى، دەپ حابارلايدى قازاقپارات ءتىلشىسى.

ماقتاارالدا سۋ استىندا قالعان ۇيلەردى باعالاۋ جۇمىستارى جالعاسۋدا ەكى ەلدىڭ ۇكىمەت مۇشەلەرى ماقتاارال اۋدانىندا بولعان سۋ اپاتىنان زاقىم كەلگەن جەرلەردى قالپىنا كەلتىرۋ جانە سۋ قويمالارىنان كەلەتىن قاۋىپتىڭ الدىن الۋ بويىنشا كەلىسسوز جۇرگىزۋدە. ق ر ەكولوگيا، گەولوگيا جانە تابيعي رەسۋرستار ۆيتسە- ءمينيسترى ەرلان نىسانبايەۆتىڭ مالىمدەۋىنشە، سۋ تاسۋى مۇمكىن دەگەن شاردارا سۋ قويماسىنان كەلەتىن ەشقانداي قاۋىپ جوق.

«قازىرگى ساتتە ماقتاارال جانە جەتىساي اۋدانىندا جالپى كولەمى 7649 گەكتار اۋىل شارۋاشىلىعى جەرلەرى زاقىمدانعان. وسىعان بايلانىستى گەولوگيالىق زەرتتەۋ جۇمىستارى جۇرگىزىلىپ جاتىر»-، دەدى ە. نىسانبايەۆ. سونىمەن قاتار، كەزدەسۋ بارىسىندا سۋ تاسقىنى بولعان ماقتاارال اۋدانىندا اۋىلشارۋاشىلىعىنا كەلگەن شىعىن تولىق ەسەپتەلىپ جاتقانى ايتىلدى.

تۇركىستان وبلىستىق اۋىلشارۋاشىلىعى باسقارماسىنىڭ باسشىسى نۇربەك بادىراقوۆتىڭ ايتۋىنشا، ەگىنشىلەر جىلدىڭ ەكىنشى جارتىسىندا دا داقىلىن قايتا وسىرە المايدى. ەگىن شارۋاشىلىعىمەن كۇن كورىپ وتىرعان كاسىپكەرلەردىڭ جالپى شىعىنى 3 ميللياردقا جۋىقتايدى. وتەماقى ماسەلەسى ۇكىمەتتىك كوميسسياعا ۇسىنىلدى.

اۆتور: اينۇر اقبايەۆا