اسقار مامين «بايتەرەك» حولدينگى ديرەكتورلار كەڭەسىنىڭ وتىرىسىن وتكىزدى
حولدينگتىڭ كومپانيالار توبىنىڭ اكتيۆتەرى 2019 -جىلدىڭ قورىتىندىسى بويىنشا 5 تريلليون 214 ميلليارد تەڭگەنى قۇراپ، % 10,5 عا ءوستى (2018 -جىلى - 4 تريلليون 719 ميلليارد تەڭگە)، ال شوعىرلاندىرىلعان تازا پايدا % 48,4- عا ءوسىپ، 51,5 ميلليارد تەڭگەنى قۇرادى (2018 -جىلى - 34,7 ميلليارد تەڭگە).
وتىرىسقا قاتىسۋشىلار «بايتەرەك» حولدينگىنىڭ 2016-2020 -جىلدارعا رەسپۋبليكالىق بيۋدجەتتەن جانە ق ر ۇلتتىق قورىنان بولىنگەن قارجى رەسۋرستارىن پايدالانۋى تۋرالى اقپاراتپەن تانىستى. قاراجات جوسپارعا سايكەس يگەرىلۋدە. سونىمەن، بيىلعى 1 - ساۋىردەگى جاعداي بويىنشا اتالعان كەزەڭدە بولىنگەن 957,9 ميلليارد تەڭگە ەسەبىنەن، قايتارىلعان قاراجاتتى قايتا يگەرۋدى ەسكەرە وتىرىپ، ەكونوميكا 1 تريلليون 164,9 ميلليارد تەڭگە كولەمىندە قارجىلاندىرىلدى.
ديرەكتورلار كەڭەسى حولدينگتىڭ 2019 -جىلعا ارنالعان كورپوراتيۆتىك باسقارۋ كودەكسىنىڭ قاعيدالارى مەن ەرەجەلەرىنىڭ ساقتالۋى تۋرالى ەسەپتى بەكىتتى. قۇجاتتا كورپوراتيۆتىك باسقارۋ قاعيداتتارىنىڭ ساقتالۋىن باقىلاۋ ناتيجەلەرى جانە ونىڭ ەرەجەلەرىن ورىنداۋ بويىنشا قابىلدانعان ءىس- شارالار تۋرالى ەگجەي- تەگجەيلى اقپارات بەرىلگەن. سونىمەن قاتار وتىرىستا حولدينگتىڭ 2020 -جىلعى I توقسانداعى تاۋەكەلدەر بويىنشا ەسەبى جانە سول كەزەڭدەگى ىشكى اۋديت قىزمەتىنىڭ ەسەبى بەكىتىلدى.
