19:47, 14 - مامىر 2020 | GMT +5
الەمدەگى ەڭ ءىرى سپۋتنيكتىك وپەراتور بانكروتقا ۇشىراعانىن حابارلادى
نۇر-سۇلتان. قازاقپارات - الەمدەگى ەڭ ءىرى سپۋتنيكتىك وپەراتور Intelsat ءوزىنىڭ قارىزدارىن قايتا قۇرىلىمداۋ ءۇشىن بانكروتقا ۇشىراعانى تۋرالى ءوتىنىش بەردى.
«بۇل ءبىزدىڭ كومپانيا تاريحىنداعى اۋىر كەزەڭ. Intelsat - سپۋتنيكتىك يندۋستريانىڭ نەگىزىن قالاۋشى. 50 جىلدان استام ۋاقىت بويى ءبىزدى ساپا ءۇشىن، جوعارى دەڭگەيلى قىزمەتتەر ءۇشىن قۇرمەتتەيدى. قارىزدارىمىزدىڭ بار ەكەنىنە قاراماستان، جەتىستىكتەرىمىز كوپ بولدى»،- دەدى كومپانيانىڭ باس ديرەكتورى ستيۆەن شپەننگلەر.
بانكروتتىق پروتسەدۋرالاردى قولدانا وتىرىپ، كومپانيا ا ق ش- تاعى فەدەرالدى بايلانىس كوميسسياسىنان ا ق ش- تا 5G جەلىلىك ينفراقۇرىلىمىن ورنالاستىرۋ ءۇشىن C- دياپازون جيىلىكتەرىن پايدالانۋعا رۇقسات العىسى كەلەدى. سونىمەن قاتار كومپانيا كوروناۆيرۋستىق پاندەميادان قاتتى زارداپ شەككەنىن ايتا كەتۋ كەرەك.
www.24.kz
