نۇر-سۇلتان قالاسى ساۋلەت باسقارماسىنىڭ باسشىسى ۇستالدى
«اگەنتتىككە قاراستى ەلوردالىق دەپارتامەنت نۇر-سۇلتان قالاسىنىڭ ساۋلەت، قالا قۇرىلىسى جانە جەر قاتىناستارى باسقارماسىنىڭ باسشىسى مەن وزگە دە ادامدارعا قاتىستى تەرگەۋ امالدارىن باستادى. ولار «نۇر-سۇلتان قالاسىنىڭ جەر ۋچاسكەسىن رەۆيزيالاۋ» جوباسىنا بولىنگەن 20 ميلليون تەڭگە سومانى جىمقىردى دەگەن كۇدىككە ءىلىندى»، - دەپ حابارلادى سىبايلاس جەمقورلىققا قارسى ءىس- قيمىل اگەنتتىگىنىڭ 1-دەپارتامەنتىنىڭ اعا تەرگەۋشىسى دانيار بەكايداروۆ اگەنتتىكتە وتكەن باسپا ءسوز ءماسليحاتىندا.
قۇرىلىسقا قاتىستى جەمقورلىق فاكتىسى ەلوردامەن بىرگە قوستاناي وبلىسىندا دا تىركەلگەن. دانيار بەكايداروۆتىڭ ايتۋىنشا، قوستاناي قالاسى اكىمدىگىنىڭ قۇرىلىس ءبولىمىنىڭ باسشىسى دا سوتقا دەيىنگى تەرگەۋ امالدارىنان ءوتىپ جاتىر. ول «نۇرلى جەر» باعدارلاماسى اياسىندا از قامتىلعان وتباسىلارعا ارنالعان پاتەرلەردى ساتىپ الۋعا قاتىستى مەملەكەتتىك ساتىپ الۋ كەلىسىمىنىڭ كەدەرگىسىز رەسىمدەلۋى ءۇشىن جىلجىمايتىن مۇلىك اگەنتتىگى رەلتورىنان 800 مىڭ تەڭگە پارا الدى دەگەن كۇدىككە ءىلىنىپ وتىر.
