كارانتين تالاپتارى قايتا كۇشەيتىلۋى مۇمكىن

نۇر-سۇلتان. قازاقپارات – فرانسيا پرەزيدەنتى ەممانۋەل ماكرون مينيسترلەر كەڭەسىنىڭ وتىرىسىندا ۇكىمەتكە كارانتين تالاپتارىن قايتا كۇشەيتۋگە دايىن بولۋىن كەرەگىن ايتتى، - دەپ حابارلايدى «شينحۋا» اگەنتتىگى.

پرەزيدەنت كوروناۆيرۋس پاندەمياسىنا بايلانىستى مەملەكەت ءۇش قاۋىپتى كەزەڭنەن وتەتىنىن، بۇل كەزەڭدە تۇرعىندارعا قايتا وقشاۋلانۋىنا تۋرا كەلۋى مۇمكىن ەكەنىن اتاپ ءوتتى.

ماكروننىڭ پىكىرىنشە، ءبىرىنشى قاۋىپتى كەزەڭ - مامىردىڭ سوڭى مەن ماۋسىمنىڭ باسى. بۇل كاتوليكتەردىڭ ءدىني مەرەكەسى - ەلۋىنشى كۇنمەن بايلانىستى. بۇل ۋاقىتتا ادامدار دەمالادى. سوندىقتان ولار ءبىر-بىرىمەن قارىم-قاتىناس جاساۋى مۇمكىن.

سونداي-اق، مەملەكەت باسشىسى الداعى جازعى دەمالىس ماۋسىمىنا قاتىستى الاڭداۋشىلىق ءبىلدىردى. ونىڭ بارىسىندا باسقا ەلدەرگە ساپارلار سانى ارتادى.

ءۇشىنشى قاۋىپتى كەزەڭدى ەممانۋەل ماكرون الەمدەگى ەپيدەميولوگيالىق جاعدايدىڭ كۇرت ناشارلاۋىمەن بايلانىستىردى.

«شينحۋا» اگەنتتىگى 11-مامىردا فرانسيادا كۇشەيتىلگەن كارانتين تالاپتارى جەڭىلدەگەنىن اتاپ ءوتتى. قالالالاردا دۇكەندەر اشىلىپ، كەيبىر كاسىپورىندار جۇمىسىن باستادى.

سونىمەن قاتار، تۇرعىندار ارنايى رۇقساتسىز ۇيدەن 100 شاقىرىم قاشىقتىقتا قاتىناۋعا رۇقسات بەرىلدى.

ايتا كەتەيىك، دجونس حوپكينس ۋنيۆەرسيتەتىنىڭ مالىمەتىنە سايكەس، فرانسيادا 178184 ادام كوروناۆيرۋس جۇقتىرعان، 58786 ناۋقاس ۆيرۋستان ايىقتى. ال 27077 ادام كوز جۇمدى.