كارانتين كەزىندە دارىگەرلەر قازاقستاندىقتارعا تەگىن كەڭەس بەرەدى
شالعاي اۋىلداردا بەيىندى ماماندار جوق، ال قالا تۇرعىندارى دارىگەرگە بارۋعا ۋاقىت تاپپايدى. وسىعان بايلانىستى 2020 -جىلدىڭ باسىندا قازاقستاندا 1430.kz ونلاين- پلاتفورماسى ىسكە قوسىلدى، جاڭا قىزمەت ارقىلى تۇرعىندار بەيىندى مامانداردان كەڭەس الا الادى.
ەلىمىزدىڭ كەز كەلگەن ايماعىندا وتىرىپ ۇيدەن شىقپاي-اق دارىگەرمەن بايلانىسۋعا بولادى. بۇل پلاتفورمانىڭ باستى ەكى ماقساتى بار. تۇرعىندارعا كەڭەس بەرۋ جانە دارىگەرلەردىڭ قوسىمشا تابىس تابۋىنا مۇمكىندىك بەرۋ. 1430.kz قىزمەتى ارقىلى قازاقستاننىڭ ءار ايماعىنان 1847 دارىگەر حالىقپەن بايلانىستا.
ولاردىڭ بارلىعى مەديتسينالىق تاجىريبەسى مول كاسىبي ماماندار. قىزمەت قالاي جۇمىس ىستەيدى؟ 1430.kz سايتىنا كىرىپ، قاجەتتى ماماندى تاڭدايسىز. كەز كەلگەن وڭىردەن حابارلاسۋعا بولادى جانە ماماننان كونسۋلتاتسيا الۋ ءۇشىن وزىڭىزگە قولايلى ۋاقىتتى بەلگىلەيسىز. بۇگىندە شالعاي اۋىلداردا حيرۋرگ، لور-دارىگەر، نەۆرولوگتى ايتپاعاندا، قاراپايىم تەراپيەۆ جەتىسپەيدى. اتالعان دارىگەرلەردەن كەڭەس الۋ وتە قيىن. ال، ۇلكەن قالالاردا ماسەلە مۇلدەم باسقا.
مۇندا مامان كوپ، ءبىراق تۇرعىنداردىڭ دارىگەرگە بارۋعا ۋاقىتى جوق. سەبەبى، جۇمىستان قولى بوسامايدى، كوشەدە كەپتەلىس، ەمحانالاردا ۇزىن-سونار كەزەك. دەمەك، دارىگەرگە جەتۋ ءۇشىن جارتى كۇن كەتەدى. وسى ماسەلەلەردى ەسكەرىپ، 1430.kz قىزمەتى ىسكە قوسىلدى.
دارىگەردەن كەڭەس الۋ ءۇشىن ونىڭ قابىلداۋىنا بارۋدىڭ قاجەتى جوق. ۇيدە وتىرىپ باسقا قالاداعى دارىگەرىمەن سويلەسە الاسىز. دارىگەرلەر ونلاين كەڭەس بەرەدى، ءتىپتى، قان، ءزار، م ر ت، ك ت ا اناليزىن دە قارايدى. بۇگىندە 2 مىڭنان استام ادام 1430.kz سەرۆيسىن پايدالاندى. كۇن سايىن دارىگەرلەر 150-200 تۇرعىننىڭ سۇراقتارىنا جاۋاپ بەرەدى. ونلاين-وتىنىشتەردىڭ ستاتيستيكاسى وسۋدە. كارانتين كەزىندە 1430.kz پلاتفورماسىنىڭ مۇمكىندىگى مەن مەديتسينالىق قىزمەتتەرگە دەگەن سۇرانىس ارتتى.
كارانتيندە قازاقستاندىقتاردىڭ باسىم بولىگى قاشىقتىقتان جۇمىس ىستەۋدە. ادامداردا ءوزىنىڭ جانە جاقىندارىنىڭ دەنساۋلىعىنا كوڭىل بولۋگە مۇمكىندىك تۋدى.
وسى ورايدا، 1430.kz سايتىنا كىرىپ، ۇيدەن شىقپاي-اق ماماندارعا حابارلاسۋعا بولادى.
ايتا كەتۋ كەرەك، توتەنشە جاعداي رەجيمى كەزىندە 1430.kz قىزمەتىنىڭ ماماندارى حالىققا تەگىن كەڭەس بەردى. بۇل قيىن ۋاقىتتا قازاقستاندىقتارعا ۇلكەن قولداۋ جانە كومەك بولدى.
