ەلوردادا جاڭا ويىن الاڭدارى سالىنادى
قازاقستان استاناسىندا جاز كەلىسىمەن اۋلالاردى اباتتاندىرۋ جۇمىستارى باستالادى، ياعني جاڭا ويىن الاڭدارى پايدا بولىپ، ەسكىلەرى جاڭارتىلادى.
ترەناجەرلار، شاعىن ساۋلەت فورمالارى ورناتىلادى. ەلوردا اكىمدىگى ويىن الاڭدارىنىڭ قاي اۋداندا جانە قاي جەرلەرگە سالىناتىنى، سونداي- اق قانداي اباتتاندىرۋ جۇمىستارى جۇرگىزىلەتىنىن حابارلادى.
الماتى اۋدانى
بۇل اۋداندا 387 اۋلا بار. 2020 -جىلى 33 اۋلانىڭ اۋماعىن كوركەيتۋ جوسپارلانعان. قورداي كوشەسى №75-ءۇي مەن ك. ازىربايەۆ كوشەسىندەگى №10-ءۇيدىڭ اۋلالارى 2020 -جىلى اباتتاندىرۋ جۇمىستارىنىڭ جوسپارىنا ەنگىزىلدى. قوسىمشا شاعىن ساۋلەت فورمالارى مەن جاتتىعۋ قۇرالدارىن ورناتۋ ماۋسىم ايىندا باستالادى. ايناكول كوشەسىندەگى №56، 56/1، سونداي-اق ر. قوشقاربايەۆ داڭعىلى بويىنداعى №45, 45/1 ۇيلەردىڭ اۋلالارىندا كەشەندى كورىكتەندىرۋ جۇمىسى جۇرگىزىلىپ، كولىك تۇراعى، سپورتتىق جانە بالالارعا ارنالعان ويىن الاڭى سالىنادى.
جوندەۋ جۇمىستارىن ماۋسىم ايىندا باستاۋ جوسپارلانعان. ع. مۇستافين كوشەسىندەگى №15/2 ءۇيدىڭ اۋلاسىنداعى سپورت الاڭىنا بيىل اعىمداعى جوندەۋ جۇرگىزىلەدى. بۇعان قوسا، ت. جۇرگەنوۆ كوشەسىندەگى №74-مەكتەپتىڭ اۋدانىندا گۇلزاردىڭ قۇرىلىسى باستالىپ، وعان شاعىن ساۋلەت فورمالارىن ورناتىپ، جاياۋ جۇرگىنشىلەرگە ارنالعان جول توسەپ، كوگالداندىرۋ كوزدەلىپ وتىر.
بايقوڭىر اۋدانى
بيىل اۋدانداعى «جاستار» شاعىن اۋدانى، اباي داڭعىلى، ا. بارايەۆ، وماروۆ، وتىرار جانە ت. ب. كوشەلەردىڭ بويىنداعى 50 اۋلانى اباتتاندىرۋ جوسپارلانعان.
جوباعا سايكەس بالالارعا ارنالعان ەكى ورىندىق اتكەنشەك، سەرىپپەلى تەربەتكىشتەر، قۇم سالعىش، سپورتتىق جاتتىعۋ قۇرالدارى، شاعىن ساۋلەت فورمالارى ورناتىلادى. اۋدان اۋماعىندا 235 اۋلا بار، بۇگىندە ونىڭ 67 سىن جاڭارتۋ قاجەت. اعىمداعى جىلى 67 اۋلانىڭ 50 ىن جوندەۋ كوزدەلىپ وتىر.
ەسىل اۋدانى
اۋداندا 399 اۋلا بار. بيىل 22 سى اباتتاندىرىلىپ، ادامدار ءۇشىن قاۋىپسىز جانە سەرتيفيكاتتالعان شاعىن ساۋلەت فورمالارى ورناتىلادى. قوعامدىق كەڭىستىك اياسىندا ءبىر اۋماقتا جانە 20 اۋلادا ءبىر ويىن الاڭىن جابدىقتاۋ جوسپارى بار.
سارىارقا اۋدانى
بۇل اۋداندا 540 اۋلا بار. 2020 -جىلى 40 اۋلانىڭ اۋماعىن كوركەيتۋ جوسپارلانعان. اۋداندا بارلىعى 540 بالالار الاڭى بولسا، ونىڭ %10 ىن جاڭارتۋ قاجەت. قازىرگى كۇنى اۋدانداعى اۋلالاردى اباتتاندىرۋ قىزمەتىن كورسەتۋ بويىنشا مەملەكەتتىك ساتىپ الۋلار بايقاۋىن وتكىزۋگە دايىندىق جۇرگىزىلۋدە.
