كوروناۆيرۋس جۇقتىرعان ناۋقاستار نەگە ءيىس سەزۋ قابىلەتىن جوعالتاتىنى انىقتالدى
عىلىمي زەرتتەۋ جۇمىسىنىڭ قورىتىندىسى ACS Chemical Neuroscience باسىلىمىندا جاريالاندى.
زەرتتەۋ مالىمەتىنشە، كوروناۆيرۋس ينفەكتسياسىنا ءتان ءجيى كەزدەسەتىن اۋرۋدىڭ بەلگىسى - ءيىس سەزۋ قابىلەتىنىڭ جوعالۋى. ول دەنە قىزۋى كوتەرىلمەگەندە، قۇرعاق جوتەل بولماعاندا بايقالۋى مۇمكىن.
ماماندار ۆيرۋس اقۋىزدارمەن ادام اعزاسىنا ەنگەن سوڭ مۇرىن قۋىسىنىڭ جاسۋشالارى اقۋىزدار بولەتىنىن انىقتاعان.
عالىمدار تىشقاندارعا تاجىريبە جۇرگىزىپتى. ناتيجەسىندە ولار بۇل اقۋىزداردىڭ كوپ مولشەرى - ACE2 رەتسەپتورى مەن TMPRSS2 پروتەازاسى - كارى تىشقانداردا پايدا بولعانىن انىقتاعان. وسىلايشا، عالىمدار ەگدە جاستاعى ناۋقاستار، جاس پاتسيەنتتەرگە قاراعاندا اۋرۋعا كوبىرەك بەيىم بولادى دەگەن قورىتىندى جاساعان.
زەرتتەۋ جۇمىسىندا مۇرىن قۋىسىنىڭ ءيىستى ەپيتەلييىنىڭ قانداي جاسۋشالارى اقۋىزداردى بولەتىنىن، ياعني COVID-19 ۆيرۋسىن جۇقتىرۋعا ىقپال ەتەتىندىگى تۋرالى ازىرشە ناقتى مالىمەت جوق ەكەنى جازىلعان.
دارىگەرلەر بۇل اقپارات كوروناۆيرۋسقا قارسى ۆاكتسينانى دايىنداۋ جۇمىسىن تەزدەتۋگە سەپتىگىن تيگىزەتىنىن اتاپ ءوتتى.
