تۇركىستان وبلىسىنداعى سۋ تاسقىنى بويىنشا شۇعىل شتاب قۇرىلدى

تۇركىستان وبلىسى. قازاقپارات - تۇركىستان وبلىسى، تولەبي اۋدانىنداعى سۋ تاسقىنى بويىنشا شۇعىل شتاب قۇرىلدى.

بۇل تۋرالى تۇركىستان وبلىسىنىڭ اكىمى ساكەن قالقامانوۆ ايتتى، دەپ حابارلايدى قازاقپارات ءتىلشىسى.

«قاسقاسۋ اۋىلدىق وكرۋگى، جوعارعى قاسقاسۋ اۋىلىندا قاتتى جاۋىننىڭ سالدارىنان قاسقاسۋ وزەنى تاسىپ، جوعارعى قاسقاسۋ اۋىلى ىشىندەگى ءتورت كوپىردى سۋ شايعان. سونىمەن قاتار، ەكپىندى اۋىلىنىڭ 4 جەكە تۇرعىن ۇيىنە جانە 15 ءۇيدىڭ اۋلاسىنا سۋ كىرگەن. بارلىعى 15 م. كۋب سۋ سورىلدى. وسى جاعدايعا بايلانىستى توتەنشە جاعدايلار دەپارتامەنتىندە ساعات 19:20 دا شتاب قۇرىلدى. قازىرگى تاڭدا بۇل اۋىلداردا سۋ تاسۋ قاۋىپى جوق. وقيعا ورنىنا ت ج د 82 قىزمەتكەرى، 8 دانا تەحنيكاسى، 11 موتاپومپا جانە جەرگىلىكتى اۋدان اۋىل اكىمدىكتەرىنەن 25 قىزمەتكەر 4 دانا تەحنيكا كۇشتەرى جۇمىلدىرىلدى»، - دەدى ساكەن قالقامانوۆ جەلىدەگى پاراقشاسىندا.

تولەبي اۋدانىنىڭ اكىمى باۋىرجان وماربەكوۆتىڭ ايتۋىنشا ەڭ كۇردەلى جاعداي سۇلتانرابات ەلدى مەكەنىندە قالىپتاسىپ وتىر.

«ەڭ كۇردەلى جاعداي سۇلتانرابات ەلدى مەكەنىندە قالىپتاسىپ، وندا ساۋران كوشەسىنىڭ 150 تۇرعىن ءۇيى ورنالاسقان بولىگىنەن سۋ اعىپ ءوتتى. بىرنەشە ۇيلەردىڭ اۋلاسىنا جانە ۇيلەردىڭ ىشىنە سۋ كىرۋ جاعدايى تىركەلدى. قازىرگى تاڭدا ءبىز ناقتى قانشا ۇيگە سۋ كىرگەنىن انىقتاۋدامىز. اۋىلدىق وكرۋگتەگى وسى كوشەنىڭ تۇرعىندارىن ەۆاكۋاتسيالاۋ جاعدايىن ۇيىمداستىردىق. لەڭگىر قالاسىنداعى 8№ كوللەدجدىڭ جاتاقحاناسىنا ورنالاستىردىق»، - دەدى اۋدان اكىمى.

ەسكە سالا كەتەيىك، بۇعان دەيىن تۇركىستاننىڭ تولەبي اۋدانىندا قاسقاسۋ وزەنى ارناسىنان اسىپ، 4 كوپىردى سۋ شايىپ كەتكەنى تۋرالى حابارلاعان بولاتىنبىز. سونداي-اق، سەل سۋى تۇركىستان وبلىسىنىڭ تاعى ەكى اۋدانى مەن شىمكەنت قالاسىنىڭ اۋدانىن سۋ باسىپ قالعان ەدى.