تۇركىستاندا كوروناۆيرۋستى ەرتە انىقتايتىن ۆيرۋسولوگيالىق زەرتحانا اشىلدى
وبلىستىق قوعامدىق دەنساۋلىق باسقارماسىنىڭ مالىمەتىنشە، گەرمانيادا شىعارىلعان Xpert، باك- تەك، بيونەر، حاين- تەست اپپاراتتارىنىڭ مۇمكىندىكتەرىن پايدالانا وتىرىپ كوروناۆيرۋس ىندەتىن انىقتاۋعا بولادى. زەرتحاناعا وڭىردەگى اۋرۋحانالاردان الىنعان سىنامالار جولدانادى. سونىمەن قاتار اۋرۋحاناعا تۇسكەن ناۋقاستار دا بىردەن كوروناۆيرۋس ينفەكتسياسىنا تەكسەرۋدەن وتكىزىلۋدە. ماماندار جاڭا اپپاراتتاردى جاقسى مەڭگەرىپ، حالىققا كورسەتىلەتىن مەديتسينالىق قىزمەت ساپاسىن ارتتىرۋعا ءوز ۇلەستەرىن قوسۋدا. جالپى تۋبەركۋلەز اۋرۋىنا شالدىققان ناۋقاستار ەمدەلەتىن بۇل اۋرۋحانادا الداعى ۋاقىتتا سونداي- اق، 16 توسەك ورىنعا ارنالعان پۋلمونولوگيالىق بولىمشە اشۋ جوسپارلانۋدا.
ايتا كەتەرلىگى، ەمدەۋ مەمەسىندە «دەزينفەكتسيالاۋ وتكەلى» ورناتىلعان جانە كۇندەلىكتى ناۋقاستار مەن بارلىق قىزمەتكەرلەردىڭ دەنە قىزۋى تەكسەرىلىپ وتىرادى. دارىگەرلەر ءتىپتى ونلاين رەجيمدە دە دياگنوستيكالىق كەڭەس بەرۋدى قولعا العان. ەسكە سالايىق، بۇل وڭىردە اشىلعان ءۇشىنشى ۆيرۋسولوگيالىق زەرتحانا بولىپ وتىر. وندا قاۋىپتى ىندەت ۆيرۋسىن انىقتاۋعا قاجەتتى مەديتسينالىق ماقساتتاعى بۇيىمدار مەن قىزمەتكەرلەردىڭ جەكە قورعانىش كيىمدەرى جانە زالالسىزداندىرۋ ماقساتىندا قولدانىلاتىن انتيسەپتيكتەرمەن تولىق قامتاماسىز ەتىلگەن.
