ەلوردادا ايەل ۇرلاعان كۇدىكتى ۇستالدى

نۇر-سۇلتان: قازاقپارات - نۇر-سۇلتان قالاسىندا بۇرىن بىرگە تۇرعان ايەلىن ۇرلاعان كۇدىكتى ۇستالدى، دەپ حابارلايدى قازاقپارات قالالىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

پوليتسيانىڭ حابارلاۋىنشا، 6-مامىر كۇنى جەدەل باسقارما ورتالىعىنىڭ 102 پۋلتىنە قالا تۇرعىنى 27 جاستاعى قىزىن ۇرلاپ كەتتى دەپ حابارلاسقان. ايەلدىڭ ايتۋى بويىنشا، قىزىنىڭ بۇرىن بىرگە تۇرعان ەر ادامى ونىڭ پاتەرىنە زاڭسىز كىرىپ، كۇش كورسەتۋ مەن قورقىتۋ ارقىلى قىزىن الىپ، اۆتوكولىگىمەن بەلگىسىز باعىتقا تايىپ تۇرعان. جەدەل ىزدەستىرۋ شاراسى اياسىندا بۇرىن سوتتالعان 1990 -جىلى تۋعان ازامات سىعاناق كوشەسىندەگى ءۇيدىڭ اۋلاسىندا ۇستالدى.

«اتالعان فاكتى بويىنشا ق ر ق ك «ادام ۇرلاۋ»، «قورلاۋ»، «تۇرعىن ۇيگە قول سۇعىلماۋشىلىقتى بۇزۋ» باپتارى بويىنشا سوتقا دەيىنگى تەرگەۋ جۇرگىزىلۋدە. كۇدىكتى نۇر-سۇلتان قالاسىنىڭ پ د ۋاقىتشا ۇستاۋ يزولياتورىنا قامالدى. قىلمىستىق ءىستى تەرگەۋ پوليتسيا دەپارتامەنتى باسشىسىنىڭ باقىلاۋىندا بولادى»، - دەپ اتاپ ءوتتى ۆەدومستۆودا.