11:56, 13 - مامىر 2020 | GMT +5
كوروناۆيرۋستىڭ تارالۋ جىلدامدىعى ۆيدەو ارقىلى كورسەتىلدى
نۇر-سۇلتان. قازاقپارات – جاپونيانىڭ NHK تەلەارناسى ەرەكشە تاجىريبە جۇرگىزدى.
تاجىريبە بارىسىندا كوروناۆيرۋس ينفەكسياسىنىڭ ادامنان ادامعا تارالۋ جىلدامدىعى كورسەتىلدى.
جۋرناليستەر مەن ينفەكسيونيست مامان مەيرامحانادا كەز كەلگەن ادامنىڭ باسىندا بولۋى مۇمكىن جاعدايدى العان. تاجىريبەگە 10 ادام قاتىسقان. قاتىسۋشىلاردىڭ بىرەۋىنىڭ قولىنا سۇيىقتىقتى جاعىپ، وعان ساۋلە تۇسىرگەن. بۇل ىندەت جۇقتىرعان ادام بولىپ سانالىپتى.
ول قولىنا جوتەلگەن سوڭ باسقالارى شۆەد ۇستەلىندەگى ىدىستاردى الا باستاعان. جارتى ساعاتتىڭ ىشىندە قاتىسۋشىلاردىڭ ءارقايسىنىڭ تەرىسىندە كورىنبەيتىن بوياۋدىڭ داقتارى پايدا بولدى. ال ءۇش ادامدا ۆيرۋس بەتىنەن تابىلدى. سونداي-اق، ىدىس-اياقتاردا بوياۋ پايدا بولعان.
وسىلايشا، تاجىريبە اۆتورلارى ۆيرۋستىڭ ادامنان ادامعا تارالاۋى ءتىپتى جاقىن قارىم-قاتىناس جاساماسا دا بولۋى مۇمكىن ەكەنىن انىقتادى.
