11:40, 13 - مامىر 2020 | GMT +5
ناۋقاستى قورعانىش كيىمىنسىز قۇتقارعان مەدبيكە قايتىس بولدى
نۇر-سۇلتان. قازاقپارات – لوس-اندجەلەستە كوروناۆيرۋس جۇقتىرعان ناۋقاستى قۇتقارعان مەدبيكەنىڭ ءوزى ەكى اپتادان كەيىن سول ۆيرۋستان قايتىس بولدى، - دەپ حابارلايدى Los Angeles Times.
61 جاستاعى سيليا ماركوستىڭ ارىپتەستەرى ونىڭ ناۋقاسقا قورعانىش كيىمىنسىز كومەك كورسەتكەنىن ايتادى. ەر ادام تىنىس الا الماي جاتقاندىقتان مەدبيكە كيىم اۋىستىرۋعا ۋاقىت وزدىرىپ الامىن دەپ قورىققان ەكەن.
الايدا باسىلىم ايەل ادامنىڭ قايتىس بولۋىنىڭ باسقا دا سەبەبىن كەلتىرگەن. مەدبيكەلەردىڭ ءبىرى انونيم تۇردە بۇل اۋرۋحانادا دارىگەرلەرگە قورعانىش ماسكالارى جەتكىلىكسىز ەكەنىن ايتقان. جەرگىلىكتى ەڭبەكتى قورعاۋ باسقارماسى مەدبيكەنىڭ قايتىس بولۋىنا دا قورعانىش كيىمدەرىنىڭ جەتىسپەۋى سەبەپ بولعانىن ايتادى. اۋرۋحانا وكىلدەرى بۇل ايىپتاۋلارمەن كەلىسپەيتىنىن جەتكىزگەن.
دجونس حوپكينس اتىنداعى ۋنيۆەرسيتەتتىڭ سوڭعى مالىمەتتەرى بويىنشا، ا ق ش-تا جالپى 1369386 ناۋقاس تىركەلگەن. 82339 ادام قايتىس بولدى.
