الماتى تاۋلارىندا جابايى اڭدار ۆيدەوعا ءتۇسىپ قالدى

الماتى. قازاقپارات - الماتى تاۋلارىندا ايۋ، قار بارىسى، تۇلكى سەكىلدى جابايى جانۋارلار ۆيدەوعا ءتۇسىپ قالدى، دەپ حابارلايدى قازاقپارات.

جابايى اڭدار تۋرالى ۆيدەو قازاقستاندا قار بارىسى مەن ونىڭ پوپۋلياتسياسىن ساقتاۋ جونىندەگى Snow Leopard Foundation قورىنىڭ Instagram پاراقشاسىندا جاريالداندى.

«تاۋدا ءبىز جوق كەزدە نە بولاتىنىن كورگىڭىز كەلە مە؟ ءبىر كامەرا - بىرنەشە جانۋار. جاقىندا عانا ءبىز فوتوتۇزاعىمىزدى تەكسەرۋگە بارعاندا تاڭعاجايىپ ۆيدەولارعا كۋا بولدىق. الماتىلىقتار كارانتيننىڭ ءبىتۋىن كۇتىپ جاتقاندا قالاعا ايۋلار ورالىپتى! سونىمەن قاتار، ءبىزدىڭ كامەرا ۇرعاشى بارىس پەن ونىڭ بالاسىن، تۇلكىنى جانە الاتاۋ تاۋلارىنىڭ باسقا دا جانۋارلارىن ءتۇسىرىپ العان. ۆيدەودان ءلاززات الىڭىز»، - دەپ جازادى قوردىڭ رەسمي پاراقشاسى.