قولعاپ ۆيرۋستان قانشالىقتى قورعايدى؟
مامانداردىڭ ايتۋىنشا، مەديتسينالىق قىزمەتكەرلەرى كۇندەلىكتى قولداناتىن قولعاپ، جۇمىس بارىسىندا قان ءتيىپ كەتۋ نەمەسە بيولوگيالىق سۇيىقتىقتان عانا ساقتاۋعا ارنالعان- دى. ال بورپاق ماتەريالدان جاسالعان قورعانىش قۇرالى ۆيرۋستان قانشالىقتى قورعايدى؟
مارك حانەفەلد، تەراپيەۆت:
- قولعاپ كيگەندە ادامنىڭ قولى تەرلەگىش كەلەدى. ال مۇنداي ىلعالدى جانە جىلى جەردە باكتەريالار تەز كوبەيەدى. سوندىقتان ءبىر رەتتىك قولعاپتىڭ پايداسىنان گورى زيانى باسىم دەر ەدىم.
يەنس مەتيۋ، پۋلمونولوگ:
- قىسقا ۋاقىتتىڭ وزىندە ءبىر رەتتىك پايدالانۋعا ارنالعان قولعاپتار وتە كوپ باكتەريانى جيناپ الادى. بۇدان سوڭ ۆيرۋستان قورعاناتىن قۇرال دەپ قالاي ايتامىز ونى؟ وعان قاراعاندا قولدى ءجيى جۋىپ تۇرعان پايدالى.
اق ۇيدە بەتپەردە كيۋ مىندەتتەلدى عالىمدار قورعانىش قۇرالدارىنا كۇمانمەن قاراپ جاتقاندا، ا ق ش پرەزيدەنتى اق ۇيدە دە بەتپەردە كيىپ ءجۇرۋدى مىندەتتەدى. ويتكەنى ترامپتىڭ جانىنداعى قىزمەتكەرلەردەن كوروناۆيرۋس انىقتالىپتى. ءبىراق جاڭا زاڭ اق ءۇي باسشىسىنىڭ وزىنە قاتىستى بولمايدى. ويتكەنى ول كۇندەلىكتى تەست تاپسىرىپ، ءوزىنىڭ دەنساۋلىعىن قاداعالاپ تۇرادى- مىس.
