رەسەي پرەزيدەنتىنىڭ باسپا ءسوز حاتشىسى دميتري پەسكوۆ كوروناۆيرۋس جۇقتىردى
ماسكەۋ. تاسس- قازاقپارات - رەسەي پرەزيدەنتىنىڭ باسپا ءسوز حاتشىسى دميتري پەسكوۆ كوروناۆيرۋس جۇقتىرىپ، ەم الىپ جاتقانىن راستادى، دەپ حابارلايدى قازاقپارات تاسس اگەنتتىگىنە سىلتەمە جاساپ.
ول «شىنىمەن كوروناۆيرۋس جۇقتىردىڭىز با؟» دەگەن سۇراققا: «ءيا، سىرقاتتانىپ قالدىم. ەمدەلىپ جاتىرمىن» دەپ جاۋاپ بەردى. بۇعان دەيىن «نەزىگار» Telegram ارناسى پرەزيدەنتتىڭ باسپا ءسوز حاتشىسىنىڭ كوروناۆيرۋس جۇقتىرۋى مۇمكىن ەكەنىن حابارلاعان.
ايتا كەتسەك، رەسەي پرەمەر- ءمينيسترى ميحايل ميشۋستين، قۇرىلىس جانە تۇرعىن ءۇي- كوممۋنالدىق شارۋاشىلىق مينيسترلىگىنىڭ باسشىسى ۆلاديمير ياكۋشيەۆ جانە مادەنيەت ءمينيسترى ولگا ليۋبيموۆادان كوروناۆيرۋس انىقتالعان. ميشۋستين 30 - ساۋىردەن بەرى مەديتسينالىق مەكەمەدە دارىگەرلەردىڭ باقىلاۋىندا جاتىر، دارىگەرلەر ونىڭ جاعدايى قالىپتى ەكەنىن ايتتى.
