ءۇندىستاندا كوروناۆيرۋستىڭ تارالۋى دەندەپ بارادى

نۇر-سۇلتان. قازاقپارات - ءۇندىستاندا كوروناۆيرۋستىڭ جايىلۋى دەندەپ بارادى، دەپ حابارلايدى «حابار 24».

اقپارات كوزدەرىنىڭ حابارلاۋىنشا، سوڭعى تاۋلىكتە ەلدە جاڭادان 4213 ناۋقاس تىركەلگەن وسىلايشا، ۆيرۋس جۇقتىرعانداردىڭ قاتارى 67 مىڭنان استى. قاۋىپتى دەرتتەن 2200دەن استام ادام كوز جۇمدى. ايتا كەتەيىك، جۋىردا ەل بيلىگى ايماقتا كارانتين تالاپتارىن جەڭىلدەتۋ تۋرالى شەشىم قابىلدادى. وعان سايكەس، جاقىن ارادا تەمىرجول قاتىناسى مەن وزگە دە قوعامدىق كولىك قوزعالىسى قايتا قالپىنا كەلۋى ءتيىس.

ەستەرىڭىزگە سالايىق، ناۋرىز ايىندا ەنگىزىلگەن شەكتەۋلەرگە بايلانىستى ايماقتا ميللياردتاعان ادام ءناپاقاسىنان ايىرىلىپ قالعان بولاتىن. ەندى ەلدە كولىك قاتىناسى جاندانعانمەن، تۇرعىندار مىندەتتى تۇردە ماسكا كيىپ، بارلىق سانيتارلىق تالاپتاردى ورىنداۋى كەرەك.