توقايەۆ كوروناۆيرۋستى انىقتايتىن جاڭا سكرينينگ ورتالىعىنىڭ قىزمەتىمەن تانىستى
بۇل ورتالىق وڭتۇستىك كورەيانىڭ تەحنولوگياسى بويىنشا جۇمىس ىستەيدى، دەپ حابارلايدى اقوردا.
الماتى قالاسىنىڭ اكىمى باقىتجان ساعىنتايەۆ مەملەكەت باسشىسىنا قالاداعى ەپيدەميولوگيالىق احۋال جايىندا ەسەپ بەردى. كورەيالىق «Medical Partners Korea» مەديتسينا كومپانياسىنىڭ باسشىلارى كيم داەنگ پەن مين حيسۋك قازاقستان پرەزيدەنتىنە ءموبيلدى لابوراتوريانىڭ مۇمكىندىگى مەن «Drive-through» جۇيەسى بويىنشا سىناما الۋداعى تاجىريبەلەرى تۋرالى ايتتى. قاسىم- جومارت توقايەۆ دارىگەرلەرمەن اڭگىمەلەسىپ، ولارعا قاجىرلى ەڭبەكتەرى ءۇشىن ريزاشىلىعىن ءبىلدىردى.
- پاندەميا - شىن مانىندەگى سوعىس. بۇكىل الەم پاندەمياعا قارسى سوعىس جاريالادى. فرانسۋزداردا سوعىستىڭ اتى سوعىس دەگەن ءسوز بار. ءبىز جۇدىرىقتاي جۇمىلساق، پاندەميانى جەڭە الامىز، - دەدى پرەزيدەنت. سونىمەن قاتار مەملەكەت باسشىسى ورتالىقتىڭ قىزمەتكەرلەرىن 12-مامىردا اتاپ وتىلەتىن حالىقارالىق مەدبيكەلەر كۇنىمەن قۇتتىقتادى.
