قىتايداعى مەكتەپ وقۋشىلارىنا تەمپەراتۋرانى ولشەيتىن بىلەزىك كيگىزىلدى
بەيجىڭ بيلىگى بىردەن بىرنەشە قالادا بىرنەشە مەكتەپتە وقۋشىلارعا ارنالعان تەمپەراتۋرانى باقىلاۋدىڭ جاڭا جۇيەسىن سىناۋدى جاريالادى. 11 - مامىردان باستاپ قىتاي استاناسىندا ستۋدەنتتەر ەلەكتروندى بىلەزىكتەر كيە باستادى، ولار مۇعالىمدەر مەن اتا- انالارعا وقۋشىنىڭ دەنساۋلىعى تۋرالى حابارلايدى.
بىلەزىكتەر ستۋدەنتتىڭ تەمپەراتۋراسى تۋرالى مالىمەتتى سمارتفون قولدانبالارىنا Bluetooth ارقىلى جۇكتەيدى. تەمپەراتۋرا 37,2 گرادۋستان اسقان كەزدە دابىل قوسىلادى. مۇنداي جاعدايلاردا مەكتەپ ماماندارى جوعارى تەمپەراتۋراسى بار وقۋشىنىڭ وقشاۋلانعانىن دەرەۋ تەكسەرۋگە مىندەتتى.
«بىلەزىك كادىمگى فيتنەس ترەكەرىنە وتە ۇقساس. وقۋشىلارعا تاۋلىك بويى كيۋدى ۇسىنامىز»، - دەدى مۇعالىمدەردىڭ ءبىرى باسىلىمعا.
جاڭاشىلدىق مەكتەپ وقۋشىلارىن تەمپەراتۋرانى ءجيى ولشەۋدەن بوساتۋى كەرەك، بۇل «كوپ ۋاقىتتى الادى جانە ەمتيحانعا شوعىرلانۋدى قيىنداتادى». ەگەر ەكسپەريمەنت ءساتتى بولسا، وندا تەمپەراتۋرانى باقىلاۋدىڭ جاڭا تەحنولوگياسى ەلدىڭ بارلىق وقۋ ورىندارىندا، سودان كەيىن - بۇكىل حالىق اراسىندا ەنگىزىلەتىن بولادى.
ەستەرىڭىزگە سالا كەتەيىك، بۇعان دەيىن قىتاي مەكتەپتەرىندە باستاۋىش سىنىپ وقۋشىلارىنىڭ اتا- انالارىنا ۇزاق ۋاقىتتىق كارانتيننەن كەيىن ولار قاشىقتىقتى ساقتاۋ ءۇشىن مەترلىك باس كيىمدەر جاساپ كەلۋدى سۇراعان بولاتىن.
