الەمنىڭ قارجى نارىعىنداعى احۋال قالپىنا كەلە باستادى - ۇلتتىق بانك ءتوراعاسى
بۇل تۋرالى ۇلتتىق بانك ءتوراعاسى ەربولات دوسايەۆ ۇكىمەت وتىرىسىندا باياندادى، دەپ حابارلايدى قازاقپارات ءتىلشىسى.
«بيىلعى ساۋىردە اۋقىمدى فيسكالدىق جانە مونەتارلىق ىنتالاندىرۋ اياسىندا الەمدىك تاۋار جانە قارجى نارىقتارى احۋالى قالپىنا كەلە باستادى. الەمنىڭ ءبىرقاتار ەلدەرىنىڭ بىرتىندەپ كارانتيننەن شىعۋىنا قاراي قور الاڭدارى ءوسۋدىڭ وڭ ايماعىنا اۋىستى. ناۋرىزدا ايتارلىقتاي تومەندەگەننەن كەيىن اكتسيالار نارىعى ورتا ەسەپپەن %11-12 كە ءوستى»، - دەدى ەربولات دوسايەۆ قاڭتار- ساۋىردەگى الەۋمەتتىك- ەكونوميكالىق دامۋ قورىتىندىلارى تۋرالى ۇكىمەت وتىرىسىندا.
سپيكەر 10-ساۋىردە وپەك+ مۇناي ءوندىرىسىن كۇنىنە 9,7 ميلليون باررەلگە قىسقارتۋ تۋرالى كەلىسىمگە كەلگەنىن اتاپ ءوتتى.
«باستاپقىدا مۇناي قورىنىڭ ۇلعايۋى مەن شيكىزاتقا سۇرانىستىڭ قاتتى تومەندەۋىنەن قاۋىپتەنۋ سەبەبىنەن وپەك+ كەلىسىمى شيكىزات نارىعىنداعى احۋالدى جاقسارتا العان جوق. سونىڭ سالدارىنان Brent ماركالى مۇنايدىڭ باعاسى 22-ساۋىردەگى ساۋدا-ساتتىقتا ءبىر باررەلى ءۇشىن 15,98 ا ق ش دوللارىنا دەيىن ەڭ تومەن بەلگىگە ءتۇستى. بيىلعى ءساۋىردىڭ سوڭىندا مۇناي باعاسى ءبىر باررەلىنە 25,27 ا ق ش دوللارىنا جەتتى (جىل باسىنان باستاپ %61,7 تومەندەدى).
مۇناي باعاسىنىڭ جانە الەمدىك سۇرانىستىڭ تومەندەۋى جانە توتەنشە جاعداي مەن كارانتيننىڭ ەنگىزىلۋى قازاقستاننىڭ ەكونوميكالىق بەلسەندىلىك كورسەتكىشتەرىنە اسەر ەتتى»، - دەدى ە. دوسايەۆ.
ق ر ۇ ە م ستاتيستيكا كوميتەتىنىڭ الدىن- الا باعالاۋىنشا، بيىلعى 4 ايدا ەڭ كوپ تومەندەۋ كولىك (%11) جانە ساۋدا (%8,9) سياقتى قىزمەت كورسەتۋ سالالارىندا بايقالعان.
«وسىنىڭ اياسىندا ءساۋىردىڭ باسىندا ىسكەرلىك بەلسەندىلىكتى قولداۋ مەن ەكونوميكانى نەسيەلەۋگە قولايلى جاعداي جاساۋ ءۇشىن ۇلتتىق بانك 6 -ساۋىردەن باستاپ بازالىق ستاۆكانى %9,5 كە دەيىن تومەندەتتى، ال 27 -ساۋىردە بازالىق ستاۆكانى سول دەڭگەيدە ساقتاپ قالدى. ۇلتتىق بانكتىڭ باعالاۋى بويىنشا، الەمدىك شيكىزات نارىعىنداعى احۋالدىڭ وڭ دامۋى جانە سىرتقى جاعدايلاردىڭ جاقسارۋى كەزىندە ينفلياتسيا ءدالىزى بيىلعى مۇناي باعاسىنىڭ ءبىر باررەل ءۇشىن 35-40 ا ق ش دوللارىنا دەيىن ءوسۋى كەزىندە %6-8 بولۋى مۇمكىن»، - دەدى ەربولات دوسايەۆ.
