تۇركيا قازاقستانعا گۋمانيتارلىق قولداۋ كورسەتتى

الماتى. قازاقپارات - 9 - مامىردا الماتىعا تۇركيا رەسپۋبليكاسىنىڭ ۇكىمەتى اتىنان گۋمانيتارلىق جۇك جەتكىزىلدى، دەپ حابارلايدى قازاقپارات ق ر س ءى م باسپا ءسوز قىزمەتىنە سىلتەمە جاساپ.

جۇكتىڭ ىشىندە مەديتسينالىق ماسكا (150 مىڭ دانا)، بەتكە ارنالعان قورعانىس ەكرانى (50 دانا)، كوزدى قورعايتىن كوزاينەك (100 دانا)، كومبينيزون (300 دانا) جانە دەزينفەكتسيالىق قۇرالدار بار.

«باۋىرلاس تۇركيانىڭ بۇل قادامى كوروناۆيرۋس ىندەتىمەن كۇرەستەگى جاھاندىق ىنتىماقتاستىقتىڭ ايقىن كورىنىسى بولىپ تابىلادى»، دەلىنگەن حابارلامادا.

سونىمەن قاتار، 11 - مامىردا تۇركيانىڭ جەتەكشى فارماتسيەۆتيكالىق ءوندىرۋشىسى «Abdi Ibrahim» كومپانياسى دا COVID-19 كوروناۆيرۋسىمەن كۇرەسۋدە بەلسەندى قولدانىلاتىن، قۇرامىندا حلوروكين بار «Kutlu» ءدارىسى مەن اتسەتيلتسيستەين پرەپاراتىن قازاقستانعا گۋمانيتارلىق قولداۋ رەتىندە جىبەرگەن.