شىعىس قازاقستان وبلىسىندا دالا ءورتى جيىلەپ كەتتى – ت ج د
ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، كۇننىڭ كۇرت ىسىپ كەتۋىنەن وبلىستىڭ بارلىق اۋداندارىندا دالا ءشوبى ورتەنۋى جيىلەپ كەتتى. دەمالىس كۇندەرىندە جالپى سانى 36 ءورت فاكتىسى ورىن العان.
« قىزىل جالىن اسا ۇلكەن اۋماقتى شارپىمادى. ءتىلسىز جاۋ جايلى حابار تۇسكەن سايىن ءورت سوندىرۋشىلەر دەرەۋ وقيعا ورنىنا اتتانىپ وتىردى. كوكتەم كەزىندە كۇنگە تەز كەبەتىن بىلتىرعى قۋراعان ءشوپ لەزدە وتقا وراناتىنىن ۇمىتپاۋىمىز كەرەك. قوقىس جاعۋ كەزىندە ءورت قاۋىپسىزدىگى ەرەجەلەرىن ساقتاماعاندارعا ا ق ب ت ك- ءنىڭ 336-بابى بويىنشا اكىمشىلىك جاۋاپكەرشىلىك قاراستىرىلعان»، - دەپ حابارلادى ۆەدومستۆو وكىلدەرى.
وسى رەتتە ت ج دەپارتامەنتى ءورت شىققانىن بايقاپ قالعان تۇرعىنداردان بىردەن «101» نومىرىنە حابارلاسۋىن سۇرايدى.
اۆتور: تالعاتجان مۇحامەتبەك ۇلى
