ەلوردادا ساياباقتار اشىلىپ، قىدىرۋعا رۇقسات بەرىلدى

نۇر- سۇلتان. قازاقپارات - كارانتين كۇشىندە قالعان ەلوردادا تۇرعىندار ساياباققا شىعىپ، قىدىرىپ، سەرۋەندەي الا ما؟ بۇل سۇراققا نۇر- سۇلتان قالاسى اكىمىنىڭ ورىنباسارى باقتيار ماكەن جاۋاپ بەردى، دەپ حابارلايدى قازاقپارات ءتىلشىسى.

«ق ر پرەزيدەنتىنىڭ توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ 20 -ساۋىرىندە وتكەن تاپسىرماسىن جۇزەگە اسىرۋ اياسىندا 250 مىڭعا جۋىق ادام جۇمىسىن قايتا باستاپ كەتتى. مەملەكەتتىك باس سانيتارلىق دارىگەردىڭ قاۋلىسىنا سايكەس ازاماتتار تۇرعان جەرىننە مىندەتتى تۇردە ماسكا تاعىپ، الەۋمەتتىك قاشىقتىقتى ساقتاي وتىرىپ، سىرتقا شىعا الادى»، - دەدى باقتيار ماكەن و ك ق- دا وتكەن باسپا ءسوز ءماسليحاتىندا.

قالا اكىمىنىڭ ورىنباسارىنىڭ ايتۋىنشا قازىرگى تاڭدا شاھارداعى ساياباقتاردىڭ ءبارى دە اشىق.

«پاركتەرگە، اۋماقتارعا، باقتارعا بارۋعا بولادى. وزەن جاعاسىمەن دە قىدىرۋعا رۇقسات. ءبىراق ءۇش ادامنان ارتىق جۇرمەۋ كەرەك. ماسكا تاعىپ، الەۋمەتتىك قاشىقتىقتى ساقتاعان ابزال. سانيتارلىق نورمالاردى ساقتاي وتىرىپ، ساياباقتا قىدىرۋعا بولادى»، - دەدى باقتيار ماكەن.