قازاقستاندا تەمىرجول قوزعالىسى ءالى اشىلمايدى

نۇر- سۇلتان. قازاقپارات - قازاقستاندا تەمىرجول كولىگىنىڭ قوزعالىسى ءالى اشىلمايدى. بۇل تۋرالى ق ر پرەمەر- ءمينيسترىنىڭ ءبىرىنشى ورىنباسارى ەرالى توعجانوۆ ايتىپ بەردى، دەپ حابارلايدى قازاقپارات ءتىلشىسى.

«بۇل كەزەڭدە تەمىرجول كولىگىندەگى قوزعالىس مۇلدەم قاراستىرىلمايدى. توتەنشە جاعداي رەجيمىنىڭ توقتاعانىنا قاراماستان بلوكپوستتار ءالى دە ساقتالادى. ءبىراق، قالا ماڭىندا تۇراتىن، قالادا جۇمىس ىستەيتىن قىزمەتكەرلەر اكىمدىكتەر بەكىتكەن ءتىزىم بويىنشا ەركىن كىرىپ- شىعا الادى»، - دەپ ءتۇسىندىردى ە. توعجانوۆ ۇكىمەتتە وتكەن ونلاين بريفينگتە.

ايتا كەتەيىك، مەملەكەت باسشىسى قاسىم- جومارت توقايەۆ بۇگىن قازاقستانداعى توتەنشە جاعداي رەجيمى توقتاعانىن حابارلاعان ەدى. ءبىراق، ەلىمىزدە كارانتين رەجيمى ءالى دە ساقتالادى.