ترامپتى اق ۇيدە كوروناۆيرۋستان قالاي قورعايدى

نۇر-سۇلتان. قازاقپارات - اق ءۇيدىڭ ەكى قىزمەتكەرى كوروناۆيرۋس جۇقتىرعاننان كەيىن ا ق ش پرەزيدەنتى دونالد ترامپتىڭ اكىمشىلىگى ساقتىق شارالارىن كۇشەيتتى.

ەندى امەريكا پرەزيدەنتىمەن بايلانىسقا شىعاتىن كەز- كەلگەن ادام COVID-19-عا الدىن- الا تەرىس ناتيجە الۋى كەرەك، دەپ حابارلايدى The Guardian.

امەريكا كوشباسشىسىنىڭ اعا ەكونوميكالىق كەڭەسشىسى كيەۆين حاسسەتتىڭ ايتۋىنشا، اق ءۇيدىڭ باتىس قاناتىندا جۇمىس ىستەۋ قازىرگى تاڭدا قاۋىپتى بولىپ تۇر. ويتكەنى بۇعان دەيىن ا ق ش ۆيتسە- پرەزيدەنتىنىڭ باسپا ءسوز حاتشىسى جانە اعا ساياسي كەڭەسشى ستيۆەن ميللەردىڭ ايەلى كەتي ميللەر كوروناۆيرۋس جۇقتىرعانىن اتاپ ءوتتى.

«قازىر اق ۇيدە پرەزيدەنتى پەن ۆيتسە- پرەزيدەنتتىڭ دەنساۋلىعىن ساقتاۋ ءۇشىن قاتاڭ شارالار قابىلداندى. ەندى مايك پەنس پەن دونالد ترامپ كۇن سايىن كوروناۆيرۋسقا سىناق تاپسىراتىن بولادى. سونىمەن قاتار، پرەزيدەنتپەن بايلانىستا بولعان كەز- كەلگەن ادام الدىن- الا سىناق تاپسىرۋى كەرەك»، - دەدى حاسسەت.

ترامپتىڭ كەڭەسشىسى بۇل جاعداي تەك اق ءۇي ءۇشىن عانا ەمەس، «بارلىعىنا قيىن ۋاقىت» ەكەنىن اتاپ ءوتتى.

دونالد ترامپتىڭ جەكە قىزمەتشىلەرىنىڭ بىرىندە جانە مايك پەنستىڭ وكىلىندە كوروناۆيرۋس انىقتالدى، دەپ حابارلايدى Reuters. ب ا ق- تىڭ حابارلاۋىنشا، ترامپ پەن ۆيتسە- پرەزيدەنت مايك پەنس كوروناۆيرۋسقا تەكسەرىلگەن جانە ۆيروس انىقتالماعان.

بۇعان دەيىن ءبىرقاتار شەتەلدىك ب ا ق ا ق ش پرەزيدەنتىنىڭ قىزى يۆانكا ترامپتىڭ جەكە كومەكشىسىنەن كورونيۆيرۋس راستالعانىن حابارلاعان.