18:28, 11 - مامىر 2020 | GMT +5
كوروناۆيرۋسپەن كۇرەسىپ جۇرگەن دارىگەرلەرگە بەرىلەتىن ۇستەمەاقى قاشان توقتايدى
نۇر- سۇلتان. قازاقپارات - قر پرەمەر- ءمينيسترىنىڭ ءبىرىنشى ورىنباسارى ەرالى توعجانوۆ دارىگەرلەرگە ۇستەمەاقى بەرۋ مەرزىمى تۋرالى سۇراققا جاۋاپ بەردى، دەپ حابارلايدى قازاقپارات ءتىلشىسى.
«دارىگەرلەرگە تولەنەتىن ۇستەمەاقى - حالىقتىڭ كوكەيىندە جۇرگەن سۇراقتاردىڭ ءبىرى. ول تۋرالى پرەزيدەنت ارنايى تاپسىرما بەرگەن بولاتىن. وعان بايلانىستى مەملەكەت دەڭگەيىندە ۇكىمەتكە 40 ميلليارد اقشا ءبولىنىپ وتىر. سوندىقتان، تامىز ايىنا دەيىن دەنساۋلىق ساقتاۋ جۇيەسىندە جۇرگەن ادامدارعا ۇستەمەاقى بەرىلەتىنىن قاپەرلەرىڭىزگە سالعىم كەلەدى»،- دەدى ە. توعجانوۆ ۇكىمەتتە وتكەن ونلاين بريفينگتە.
ايتا كەتەيىك، مەملەكەت باسشىسى قاسىم- جومارت توقايەۆ بۇگىن قازاقستانداعى توتەنشە جاعداي رەجيمى توقتاعانىن حابارلاعان ەدى. ءبىراق، ەلىمىزدە كارانتين رەجيمى ءالى دە ساقتالادى.
