16:30, 11 - مامىر 2020 | GMT +5
قازاقستان مەكتەپتەرىندە سوڭعى قوڭىراۋ ماۋسىم ايىندا وتەدى
نۇر- سۇلتان. قازاقپارات - 3-4 - ماۋسىم كۇندەرى قازاقستان مەكتەپتەرىندە سوڭعى قوڭىراۋ شاراسى وتەدى، دەپ حابارلايدى قازاقپارات ءتىلشىسى.
بۇل تۋرالى ق ر پرەمەر- ءمينيسترىنىڭ ءبىرىنشى ورىنباسارى ەرالى توعجانوۆ ونلاين بريفينگتە مالىمدەدى.
«مەكتەپتەردە اتتەستات تابىستاۋ مەن سوڭعى قوڭىراۋ شاراسى 3-4 - ماۋسىم كۇندەرى اشىق اسپان استىندا وتەدى. وندا ادام سانى شەكتەلىپ، سانيتارلىق نورمالار قاتاڭ ساقتالۋى ءتيىس»، - دەدى ە. توعجانوۆ ۇكىمەت ۇيىندە وتكەن ونلاين بريفينگتە.
ونىڭ ايتۋىنشا، 3,3 ميلليون وقۋشى جانە كوللەدجدەر مەن ج و و- لاردىڭ 1 ميلليون ستۋدەنتى ءۇشىن وقۋ جىلىنىڭ سوڭىنا دەيىن قاشىقتان وقىتۋ رەجيمى ساقتالادى. ۇلتتىق ءبىرىڭعاي تەستىلەۋ جوسپارلى تۇردە وتەدى.
