ونەركاسىپتى دامىتۋ قورىن قۇرۋعا بولادى - مەملەكەت باسشىسى
«وڭدەۋ ونەركاسىبىنە ەكپىن قويا وتىرىپ ءارتاراپتاندىرىلعان ەكونوميكانى قۇرۋ - ءبىزدىڭ باسىمدىق بولىپ قالا بەرەدى. وسى سەكتوردا ۇزاق مەرزىمدەگى جوبالاردى جۇزەگە اسىرۋ ءۇشىن قازاقستاننىڭ دامۋ بانكىن قوسىمشا كاپتيتالداندىرۋدى قامتاماسىز ەتۋ كەرەك» ، - دەدى مەملەكەت باسشىسى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ وتىرىسىندا. مۇنىمەن قوسا پرەزيدەنت وزىق ونەركاسىپتىك جوبالاردى قولداۋعا قاتىستى ءتيىستى قادامداردى اتاپ ءوتتى.
«سونىمەن بىرگە، وندىرۋشىلەردىڭ كەڭەيتىلگەن مىندەتتەمەلەرى اياسىندا جينالاتىن قارجى ەسەبىنەن ونەركاسىپتى دامىتۋ قورىن قۇرۋعا بولادى. ونىڭ جۇمىسى ۇدەمەلى وڭدەۋشى كاسىپورىنداردى ءۇش پايىزدان استام ەمەس ستاۆكا بويىنشا قولجەتىمدى نەسيەلەۋمەن قامتاماسىز ەتۋگە باعىتتالادى»، - دەدى مەملەكەت باسشىسى.
بۇدان بۇرىن حابارلانعانداي، پرەزيدەنت شاعىن بيزنەس ءۇشىن ارنايى قولداۋ شارالارىن قاراستىرۋدى تاپسىردى.
