قاسىم-جومارت توقايەۆ بانكتە پروبلەمالىق قارىزى بار ازاماتتاردىڭ ماسەلەسىن شەشۋدى تاپسىردى

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ قازاقستاندا كەلەسى جىلدان باستاپ ميكروقارجىلىق ۇيىمداردى ليتسەنزيالاۋ جۇيەسى ەنگىزىلەتىنىن ءمالىم ەتتى، دەپ حابارلايدى قازاقپارات ءتىلشىسى.

«حالىقتىڭ تابىسى ازايىپ بارا جاتقان ۋاقىتتا تۇتىنۋشىلىق نەسيە نارىعىنىڭ جاعدايىنا مونيتورينگ جۇرگىزۋدىڭ ماڭىزى زور. ازاماتتاردىڭ قارىز بويىنشا جۇكتەمەسىنىڭ كوبەيىپ كەتۋىنە جول بەرمەۋ كەرەك. قارجى نارىعىن رەتتەۋ بويىنشا اگەنتتىك پروبلەمالىق قارىزى بار قارىز الۋشىلاردىڭ وڭالتۋ مۇمكىندىكتەرىن قاراستىرۋى كەرەك. سونىمەن قاتار قارىز الۋشى مەن ءونىمنىڭ تيپىنە قاراي سىياقى ستاۆكاسىن ەسەپتەۋ امالدارىن قايتا قاراستىرعان ابزال»، - دەدى پرەزيدەنت توتەنشە جاعدايدى قامتاماسىز ەتۋ بويىنشا مەملەكەتتىك كوميسسيا وتىرىسىندا.

مەملەكەت باسشىسى، سونىمەن قاتار، ازاماتتاردىڭ مۇددەسىن قورعاۋ ءۇشىن بانكتىك ەمەس، نەسيەلىك ۇيىمداردى باقىلاۋ جۇمىسى كۇشەيەتىنىن ءمالىم ەتتى. ال كەلەسى جىلدان باستاپ ميكروقارجىلىق ۇيىمداردى ليتسەنزيالاۋ جۇيەسى ەنگىزىلمەك.