كوروناۆيرۋستىڭ تەز تاراۋىنىڭ سەبەبى اتالدى

نۇر-سۇلتان . قازاقپارات – برازيلياداعى بايا فەدەرالدىق ۋنيۆەرسيتەتىنىڭ عالىمدارى زەرتتەۋ جۇرگىزىپ، كوروناۆيرۋستىڭ دۇنيە جۇزىندە تەز تاراۋىنىڭ باستى سەبەبى حالىقارالىق اۋە تاسىمالدارى ەكەنىن ايتتى.

زەرتتەۋ ناتيجەسى Medrxiv سايتىندا جاريالاندى، - دەپ حابارلايدى Daily Mail.

مۇنداي شەشىمگە كەلۋ ءۇشىن عالىمدار ناۋقاستار سانى 100 ادامنان كوپ 65 ەلدەگى الەۋمەتتىك- ەكونوميكالىق، كليماتتىق جانە كولىك قاتىناستارىنىڭ COVID-19 دىڭ تاراۋىنا ىقپالىن زەرتتەگەن.

زەرتتەۋشىلەردىڭ سوزىنشە، اۋە تاسىمالدارىنا تىيىم العان ەلدەر ينفەكسيامەن ەشقانداي شارا قابىلدانباعان ەلدەرگە قاراعاندا ويداعىداي كۇرەسىپ جاتىر. بۇل فاكتور اۋەجايى ادام كوپ قابىلدايتىن ەلدەردە نەلىكتەن كوروناۆيرۋس ينفەكسياسى ءورشىپ تۇرعانىنىڭ دالەلى ەكەن.

ماسەلەن، اۋە تاسىمالى بويىنشا دۇنيە جۇزىندە ەكىنشى جانە ءۇشىنشى ورىنداعى ا ق ش پەن ۇلى بريتانيادا كوروناۆيرۋستان قايتىس بولعاندار سانى - 78 مىڭ جانە 31 مىڭ.

ال قىتايداعى حۋبەي پروۆينسياسىندا كوروناۆيرۋس انىقتالعاننان كەيىن بىرنەشە اپتادان سوڭ بىردەن اۋە تاسىمالى توقتاتىلعان.

سونداي-اق زەرتتەۋ اۆتورلارى كوروناۆيرۋستىڭ تاراۋىنا كليماتتىڭ اسەرى از ەكەنىن ايتتى. ياعني، جوعارى تەمپەراتۋرا مەن ىلعال ۆيرۋستىڭ تاراۋىن توقتاتادى دەگەن تەوريا شىندىققا جاناسپايدى.