تەمەكى شەگەتىندەر كوروناۆيرۋستى سيرەك جۇقتىراتىنى راس پا؟ د د ۇ جاۋابى
بۇل تۋرالى دۇنيەجۇزىلىك دەنساۋلىق ساقتاۋ ۇيىمىنىڭ ساراپشىسى ماريا ۆان كەركحوۆە ايتتى.
«بارلىعىمىز تەمەكىنىڭ زيانى تۋرالى بىلەمىز. جىل سايىن ميلليونداعان ادام تەمەكىدەن قايتىس بولىپ جاتىر. COVID-19 - تىنىس الۋ جولدارىنىڭ اۋرۋى، ال تەمەكى وكپەنىڭ قىزمەتىنە زيان كەلتىرەدى. تەمەكىنىڭ اۋرۋدى اسقىندىرىپ، قايتىس بولۋ قاۋپىن ارتتىراتىنى تۋرالى جاريالانعان زەرتتەۋلەر بار»، - دەيدى ساراپشى.
سونداي-اق، د د ۇ وكىلى تەمەكى شەگىپ ءجۇرىپ، كوروناۆيرۋس جۇقتىرعانداردىڭ اۋرۋحاناعا وزگەلەرمەن سالىستىرعاندا ءجيى جاتقىزىلمايدى دەگەن زەرتتەۋگە قاتىستى پىكىر ءبىلدىردى.
ونىڭ ايتۋىنشا، بۇل پىكىرلەر دالەلدەنبەگەن جانە ول تەمەكى كوروناۆيرۋستان قورعايدى دەگەن ءسوز ەمەس.
ەسكە سالايىق، مۇنىڭ الدىندا ەۋروپالىق عالىمدار تەمەكى شەگەتىندەردىڭ وزگەلەرمەن سالىستىرعاندا كوروناۆيرۋستى سيرەك جۇقتىرادى دەگەن بولجام جاساعان ەدى.
