جانداربەك بەكشين: كوروناۆيرۋستىڭ ەكىنشى تولقىنى كۇزدە باستالۋى مۇمكىن
«مۇنداي پىكىرگە نەگىز بار، ويتكەنى كوروناۆيرۋس ينفەكتسياسى ءجىتى رەسپيراتورلىق ۆيرۋستىق ينفەكتسيا بولىپ سانالادى. ءبىراق، جرۆي كۇز بەن قىستىڭ باسىندا، سالقىن ۋاقىتتا باستالادى. سوندىقتان، مەن دە كوروناۆيرۋستىڭ ەكىنشى تولقىنى كۇزگى ۋاقىتتا باستالۋى مۇمكىن دەپ ەسەپتەيمىن»، - دەدى جانداربەك بەكشين الماتى تەلەارناسىنا بەرگەن سۇحباتىندا.
سونىمەن بىرگە، دارىگەر قالا تۇرعىندارىنا بوساڭسىماۋعا كەڭەس بەردى.
«ينفەكتسيا جۇقتىرۋ جاعدايلارى ءالى دە تىركەلىپ جاتىر جانە ەپيدەميولوگتار ۇسىنعان شەكتەۋلەر مەن قاعيدالار ساقتالۋى ءتيىس»، - دەدى ول.
ونىڭ ايتۋىنشا، 11- مامىردان كەيىنگى كارانتين رەجيمى بويىنشا كوپتەگەن سۇراقتار ءتۇسىپ جاتىر. ازىرگە رەسپۋبليكانىڭ باس سانيتارلىق دارىگەرىنىڭ ءتيىستى قاۋلىسى كۇتىلۋدە.
«ارينە، نەگىزگى قاۋلىدا ايتىلماعان تۇستاردى قوسامىز. جانە ولاردىڭ قاتاڭ ساقتالۋىن سۇرايمىز»، - دەدى ج. بەكشين.
ەسكە سالايىق، الماتىنىڭ باس سانيتارلىق دارىگەرى قالادا كارانتين رەجيمى 11- مامىردان كەيىن دە ساقتالاتىنىن ايتقان بولاتىن. وسىعان بايلانىستى شاھارعا كىرەبەرىس جولدارداعى بلوكپوستار جۇمىسىن جالعاستىرادى.
