20:19, 10 - مامىر 2020 | GMT +5
الماتىعا كىرەبەرىس جولداردا بلوكپوستار جۇمىسىن جالعاستىرادى
الماتى. قازاقپارات - 11-مامىردان كەيىن الماتى قالاسىندا بلوكپوستار جۇمىسىن جالعاستىرادى، دەپ حابارلايدى قازاقپارات مەملەكەتتىك كوميسسيانىڭ شۇعىل شتابىنا سىلتەمە جاساپ.
«11-مامىردا الماتى قالاسىندا كارانتين رەجيمى ساقتالادى. پەريمەتر بويىنشا ورنالاسقان بلوكپوستاردىڭ جۇمىسى دا جالعاسادى. بۇعان دەيىن قابىلدانعان قالاعا كىرۋ مەن شىعۋ ەرەجەلەرى سول كۇيى قالادى. جۇمىسقا رۇقسات العان كاسىپورىندار عانا جىبەرىلەدى. قوعامدىق كولىكتىڭ جۇمىس تارتىبىندە دە وزگەرىس بولمايدى: ساعات 06.00 دەن كەشكى 19.00 گە دەيىن»، - دەپ كەلتىرىلگەن الماتى قالاسىنىڭ باس سانيتارلىق دارىگەرى جانداربەك بەكشيننىڭ سوزدەرى.
ايتا كەتەيىك، ج. بەكشين قالا تۇرعىندارى مەن كاسىپورىنداردى كارانتين تالاپتارىن 11-مامىردان كەيىن دە ساقتاۋعا شاقىردى.
