گەرمانيا سءى م باسشىسى ەكىنشى دۇنيەجۇزىلىك سوعىسقا كىنالى ەلدى اتادى

بۇل تۋرالى ەلدىڭ سىرتقى ىستەر ءمينيسترى حايكو مااس تاريحشى اندرەاس ۆيرشينگپەن بىرلەسىپ جازعان «تاريحسىز ساياسات جوق» ماقالاسىندا مالىمدەدى،

ول Spiegel-دە جاريالاندى، - دەپ حابارلايدى Tengrinews.kz.

مااس ەكىنشى دۇنيەجۇزىلىك سوعىستىڭ اياقتالعانىنا 75 جىل تولۋىنا وراي، الەمگە رەۆيزيونيزم قاۋپىنەن اۋلاق بولۋ كەرەگىن ءتۇسىندىردى.

«گەرمانيانىڭ وتكەنى رەۆيزيونيزم قاۋپىن كورسەتەدى، سەبەبى ۇلتتىق ميفتەر راتسيونال ويلاۋمەن الماسقان. سوندىقتان، قانداي دا ءبىر مورالدىك باسىمدىققا ەمەس، ءبىز، نەمىستەر، شابۋىلداۋشىلار زارداپ شەگۋشىلەرگە اينالۋىنا، ال قۇرباندار قىلمىسكەر بولۋىنا قارسىلىق تانىتۋىمىز كەرەك»، - دەپ جازىلعان ماقالادا.

مااس پەن ۆيرشينگ ەل ۇلتشىل ديكتاتۋرامەن كۇرەسكەندەردىڭ بارلىعىنا ريزا ەكەنىن ءبىلدىردى.

«ءبىر گەرمانيا پولشاعا شابۋىل جاساپ، ەكىنشى دۇنيەجۇزىلىك سوعىستىڭ باستالۋىنا سەبەپكەر بولدى. گەرمانيا عانا حولوكوست ءۇشىن، ادامزاتقا قارسى قىلمىس جاساعانى ءۇشىن جاۋاپ بەرەدى»، - دەدى اۆتورلار.