كوروناۆيرۋسقا بايلانىستى جاريالانعان جاھاندىق توتەنشە جاعداي رەجيمى الىنا ما
بريۋسسەل. قازاقپارات - دۇنيەجۇزىلىك دەنساۋلىق ساقتاۋ ۇيىمى كوروناۆيرۋسقا بايلانىستى جاريالانعان توتەنشە جاعداي رەجيمىن الىپ تاستامايدى.
بۇل تۋرالى جۇما كۇنگى بريفينگتە ۇيىمنىڭ باس ديرەكتورى تەدروس ادحانوم گەبرەيەسۋس ايتتى، دەپ حابارلايدى قازاقپارات.
«مەن وسىدان ءۇش اي بۇرىن توتەنشە جاعداي جونىندەگى كوميتەتتىڭ وتىرىسىن وتكىزىپ، ولاردىڭ نۇسقاۋىن الدىم. سودان كەيىن جاھاندىق توتەنشە جاعداي رەجيمىن جاريالادىق. بۇل – د د س ۇ ءۇشىن قاۋىپتىڭ ەڭ جوعارى دەڭگەيى»، - دەدى ت. گەبرەيەسۋس.
بەيسەنبىدە ۇيىمنىڭ توتەنشە جاعداي جونىندەگى كوميتەتى قايتا جينالىپ، پاندەميانىڭ دامۋ بارىسىنا باعا بەردى.
«ارينە، ازىرگە پاندەميا دەنساۋلىق ساقتاۋ سالاسىنداعى حالىقارالىق ماڭىزى زور توتەنشە جاعداي بولىپ قالا بەرەدى»، - دەپ اتاپ ءوتتى تەدروس ادحانوم گەبرەيەسۋس.
ونىڭ ايتۋىنشا، حالىقارالىق مەديتسينا- سانيتارلىق ەرەجەلەرگە سايكەس، توتەنشە جاعداي كوميتەتىنىڭ وتىرىسى 90 كۇننەن كەيىن نەمەسە قاجەت بولعان جاعدايدا ودان ەرتەرەك قايتا ءوتۋى مۇمكىن.
