كوروناۆيرۋسپەن اۋىرعانداردىڭ جارتىسى جەڭىل جانە سيمپتومسىز جاعدايدا ساۋىعادى

بۇل تۋرالى دەنساۋلىق ساقتاۋ ءمينيسترى ەلجان ءبىرتانوۆ ءمالىم ەتتى، دەپ حابارلايدى قازاقپارات ءتىلشىسى.

«ۇشاقپەن ساپارلاۋدى تاڭداعان جولاۋشىلار اراسىنان اۋرۋدىڭ جاسىرىن بەلگىلەرى انىقتالدى. سوندىقتان تەستىلەۋ شارالارى كەرەك دەپ سانايمىز. كەشە ءبىر جاعداي تىركەلدى. اقىلى تەستىلەۋ اياسىندا وسى اپتادا 10 عا تارتا ىندەت جۇقتىرعان ادامدى انىقتادىق»، - دەپ اتاپ ءوتتى ە. ءبىرتانوۆ «حابار24» ارناسىنا بەرگەن سۇحباتىندا.

ونىڭ سوزىنە قاراعاندا، تاۋلىگىنە ەلىمىز بويىنشا 15 مىڭ تەست جاسالادى. تەستىلەۋ ناتيجەسىندە ينفەكسيانىڭ تارالىپ جاتقاندىعى كورىنىپ وتىر. ستاتيستيكا كورسەتىپ تۇرعانداي، 85 پايىزى - ول جەڭىل جانە سيمپتومسىز جاعداي.

«بارشا اۋرۋلاردىڭ جارتىسىنا جۋىعى - سيمپتومسىز. بۇل ادامدار اۋىرمايدى، وزدەرى ەمدەلەدى. الايدا ولار اۋرۋدى باسقا ادامدارعا جۇقتىرۋى مۇمكىن»، - دەدى ە. ءبىرتانوۆ.