نۇر-سۇلتاندا كوروناۆيرۋستان جازىلعان پاتسيەنت دارىگەرلەرگە العىس ايتتى
نۇر-سۇلتان. قازاقپارات - كوروناۆيرۋس ينفەكسياسىنان ساۋىعىپ كەتكەن ناۋقاستاردىڭ ءبىرى ەلميرا قازىموۆا كوپبەيىندى مەديتسينالىق ورتالىق دارىگەرلەرىنە العىس ايتتى، دەپ حابارلايدى قازاقپارات نۇر-سۇلتان قالاسى اكىمدىگىنىڭ رەسمي سايتىنا سىلتەمە جاساپ.
ناۋقاس 17-ساۋىردە اۋرۋحاناعا تۇسكەن. «مەديتسينالىق ورتالىقتىڭ باسشىلىعى مەن كاسىبي ۇجىمعا كورسەتكەن كومەكتەرى ءۇشىن العىسىمدى بىلدىرگىم كەلەدى. بارلىق دارىگەرلەرگە، اتاپ ايتسام، مەنى ەمدەۋشى دارىگەر اناستاسيا ماي مەن ءبولىم مەڭگەرۋشىسى مارال ءابدىراحمانوۆاعا ەرەكشە راحمەت ايتامىن»، - دەپ جازدى ە. قازىموۆا Instagram پاراقشاسىندا.
سونداي-اق، ول بارلىق دارىگەرلەر مەن مەدپەرسونالعا، اسحانا قىزمەتكەرلەرىنە، مەديتسينالىق ورتالىقتىڭ تەحنيكالىق قىزمەتكەرلەرىنە ءوز ريزاشىلىعىن ءبىلدىردى.
«بارلىعى ءوز جۇمىسىن كاسىبي دەڭگەيدە ورىنداپ، بىزگە جىلى شىراي تانىتىپ، ۇيدەگىدەي كۇتىم جاسادى. ءتىپتى ەمحانادا جاتقانىمىز بىلىنبەدى. سىزدەر ءوز وتباسىلارىڭىزدى، تۋىستارىڭىز بەن جاقىندارىڭىزدى تاستاپ، وسى قاۋىپتى ۆيرۋسپەن كۇرەسىپ جۇرسىزدەر. سىزدەر - ءبىزدىڭ رەسپۋبليكانىڭ ماقتاۋعا لايىق ازاماتىسىزدار. وتباسىلارىڭىزعا اماندىق، جۇمىستارىڭىزعا بەرەكە تىلەيمىن»، - دەيدى جازىلىپ شىققان ناۋقاس.
