كوروناۆيرۋس: الەمدەگى احۋال قانداي؟

ەندى كارى قۇرلىقتا قاۋىپتى ۆيرۋستان ەڭ كوپ زارداپ شەككەن ەل - ۇلى بريتانيا. رەسەيدە دە جاعداي ءماز ەمەس. كورشى ەلدە وسىمەن 4 كۇن قاتارىنان ىندەتتى جۇقتىرۋدىڭ جاڭا دەرەكتەرى 10 مىڭنان ازايماي وتىر.

كىسى ءولىمى بويىنشا دا، ناۋقاستار سانى بويىنشا دا الەمدە ءبىرىنشى ورىندا تۇرعان ا ق ش- تىڭ كەيبىر شتاتىندا كاراتين شارالارى اقىرىنداپ جەڭىلدەتىلە باستادى. ۇلى بريتانيادا قۇرباندار سانى 29 مىڭ 500 ادامعا تاقاپ قالدى. ال بۇعان دەيىن ەۋروپاداعى انتيرەيتينگتە ءبىرىنشى ورىندا تۇرعان يتاليادا كوز جۇمعاندار سانى 29 مىڭ شاماسىندا. يتالياداعى جاعداي ءسال دە بولسا، تۇراقتالىپ كەلەدى. سوندىقتان مۇندا كارانتين جەڭىلدەتىلە باستادى.

ال شەتەلدىك اقپارات قۇرالدارى «ۇلى بريتانيادا، كەرىسىنشە، شەكتەۋ شارالارى قاتاڭداتىلۋى مۇمكىن» دەيدى. وسى رەتتە جاقىن ارادا مۇندا تۇرعىنداردىڭ كىممەن قارىم- قاتىناستا بولعانىن انىقتاپ وتىراتىن قوسىمشانىڭ ىسكە قوسىلۋى دا عاجاپ ەمەس. ويتكەنى بريتاندىقتار وقشاۋلاۋ تارتىبىنە سالعىرت قارايتىن كورىنەدى.

دومينيك رااب، ۇلى بريتانيا سىرتقى ىستەر ءمينيسترى:

- وسى كۇنگە دەيىن ۇلى بريتانيادا كوروناۆيرۋسقا 1 ميلليون 384 مىڭعا جۋىق تەست جاسالدى. ءبىز كۇنىنە 85 مىڭ تەكسەرۋ وتكىزۋگە قاۋقارلىمىز. 195 مىڭعا جۋىق بريتاندىقتىڭ ۆيرۋستى جۇقتىرعانى راستالدى. وكىنىشكە قاراي، سولاردىڭ 29427- ءسى كوز جۇمدى.

رەسەيدە كەيىنگى تاۋلىكتە ۆيرۋستى 10 مىڭنان اسا ادام جۇقتىرعان رەسەيدە ۆيرۋس ءورشىپ بارادى. قاتارىنان ءتورتىنشى كۇن تاۋلىگىنە 10 مىڭنان اسا ادام ىندەتتى جۇقتىردى. ونىڭ كوبى ماسكەۋ قالاسىندا تىركەلگەن. رەسەي استانسىندا بۇگىن ۆيرۋس 6 مىڭعا جۋىق ادامنان انىقتالدى. ساۋىردە ەلدە جەكەمەنشىك زەرتحانالار قوسىلعان سوڭ تەست وتكىزۋ كورسەتكىشى 5 ەسە ارتتى. جالپى ماسكەۋدە ناۋقاستار سانى 86 مىڭعا جۋىقتاسا، بۇكىل ەل اۋماعىندا ولاردىڭ جالپى سانى 166 مىڭعا جەتتى.

ۆيرۋس جۇقتىرۋ كورسەتكىشى كۇن ساناپ ءوسىپ بارادى. ءبىر تاۋلىك ىشىندە ماسكەۋدە كوروناۆيرۋستان 50 ازامات ازامات كوز جۇمدى. بۇگىنگە دەيىن رەسەي استاناسىندا جالپى 866 ادام قازا تاپقان. ال بۇكىل ەل بويىنشا 1 جارىم مىڭنان استام ادام باقيلىق بولعان. جالپى، كورشى ەلدە ۆيرۋستىڭ تارالۋى 24 - تامىزدا اياقتالۋى مۇمكىن. سينگاپۋر تەحنولوگيا جانە ديزاين ۋنيۆەرسيتەتىنىڭ عالىمدارىنىڭ بولجامى وسىنداي. ولار مۇنداي جورامالدى 5 - مامىر كۇنگى ستاتيستيكاعا سۇيەنە وتىرىپ جاساعان.

رەسەيلىك مامانداردىڭ دا تۇسپالى كوڭىل قۋانتپايدى. كوبى رەسەيدەگى ىندەت جاز ماۋسىمى اياقتالعانشا جالعاساتىنىنا سەنىمدى. وسىعان بايلانىستى روسپوترەبنادزور رەسەيلىكتەردى مامىرداعى مەرەكەلەر كەزىندە كارانتين رەجيمىن بارىنشا ساقتاۋعا شاقىرادى. ايتپەسە، وقشاۋلانۋ رەجيمى جەڭىلدەمەيدى. كەرىسىنشە، شەكتەۋ شارالارى قاتاڭداپ، ماۋسىمنىڭ سوڭىنا دەيىن ۇزارتىلۋى مۇمكىن ەكەنىن جەتكىزدى. ال ەلدىڭ دەنساۋلىق ساقتاۋ ءمينيسترىنىڭ ايتۋىنشا، تۇرعىندار كەيبىر شەكتەۋلەرگە ۇزاق ۋاقىتقا دەيىن شىداۋلارىنا تۋرا كەلەدى. بۇل مەرزىم ءتىپتى ۆاكتسينا ويلاپ تابىلعانعا دەيىن جالعاسۋى مۇمكىن.

ءوز كەزەگىندە اۋە بيلەتتەرىن ساتۋشىلاردىڭ دەرەگىنشە، مامىر ايىنداعى دەمالىس كەزىندە ماسكەۋ مەن سانكت- پەتەربۋرگتەن وزگە وڭىرلەرگە 70 مىڭ ازامات ۇشىپ كەتىپتى. ايتا كەتەيىك، رەسەيدە حالىقارالىق رەيستەر توقتاعانىمەن، ىشكى رەيستەر ءالى دە قىزمەت ەتۋدە. مامىر ايىنداعى دەمالىسقا بايلانىستى ساياحاتتاپ كەتكەن ازاماتتار ورالعان سوڭ 2 اپتا كارانتينگە جابىلادى. الايدا ساراپشىلاردىڭ پىكىرىنشە، سيفرلاندىرىلعان ماسكەۋدە ازاماتتاردىڭ ءجۇرىپ- تۇرۋىن قاداعالاۋ جەڭىلىرەك بولعانىمەن ايماقتاردا بۇل قيىنعا سوقپاق. ماسكا مەن مەديتسينالىق قولعاپ تاعۋ مىندەتتەلەدى.

مىسالى، ماسكەۋدە شارا مامىردىڭ 12-سىنەن باستاپ ەنگىزىلەدى. ادامدار بەتپەردەسىز قوعامدىق كولىككە كىرگىزىلمەيدى. ال ونى تاقپاعاندارعا 4 مىڭ رۋبل كولەمىندە ايىپپۇل سالىنادى. ماسكەۋ مەتروسىندا ماسكا مەن قولعاپ ساتاتىن اۆتوماتتار ىسكە قوسىلدى. بۇگىن پرەزيدەنتتىڭ ماماندارمەن كەزەكتى وتىرىسى ءوتۋى ءتيىس. جيىندا ىندەتكە بايلانىستى جاڭا ۇسىنىس- شارالار قابىلدانۋى مۇمكىن.

ا ق ش- تا بىرتىندەپ كارانتين جەڭىلدەتىلە باستادى. سوڭعى 6 اپتادا العاش رەت ۆاشينگتوندا سەناتتىڭ وتىرىسى ءوتتى. كونگرەسمەندەر ماسكا تاعىپ، ەكى مەتر اراقاشىقتىقتى ساقتاۋلارى ءتيىس. الايدا كونگرەستىڭ تومەنگى پالاتاسى ازىرگە جۇمىستى باستاماي قويا تۇرايىق دەپ شەشكەن ەكەن.

www.24.kz