كوروناۆيرۋسپەن اۋىرعانداردى قانداي ءدارى- دارمەكتەرمەن ەمدەپ جاتىر
نۇر- سۇلتان. قازاقپارات - بۇگىنگى تاڭدا ەلىمىزدە كوروناۆيرۋستى ەمدەۋ ءۇشىن «گيدروكسيحلوروحين» ءدارىسى قولدانىلادى.
بۇل تۋرالى ورتالىق كوممۋنيكاتسيالار قىزمەتىندە وتكەن ەلدەگى كوروناۆيرۋستىق ينفەكتسيا بويىنشا اعىمداعى جاعداي، سونىمەن قاتار قازاقستانداعى ۆاكتسينالاردىڭ ساپاسى مەن ساتىپ الۋلارى تۋرالى بريفينگتە ايتىلدى، دەپ حابارلايدى قازاقپارات ءتىلشىسى.
«بۇگىنگى تاڭدا قازاقستاندا Covid-19 دى ەمدەۋ پروتوكولىنا سايكەس ەنتەروۆيرۋستى پرەپاراتتاردان باستاپ انتيبيوتيكتەرگە دەيىن ءبىرقاتار پرەپارات قولدانىلادى. ولار ءوز ناتيجەلىلىگىن كورسەتتى. اتالعان ءدارى- دارمەكتەردىڭ ءبارى دۇنيەجۇزىلىك دەنساۋلىق ساقتاۋ ۇيىمىنىڭ ۇسىنىمىمەن الىندى. اپتا سايىن جاڭا ءدارى- دارمەك قوسىلىپ، كەيبىرى قولدانىستان الىنىپ جاتادى»، - دەيدى د ز س ۇ و باس ديرەكتورى، باسقارما ءتوراعاسى ارنۇر نۇرتايەۆ. ونىڭ ايتۋىنشا، بۇگىنگى تاڭدا ەلىمىزدە كوروناۆيرۋستى ەمدەۋ ءۇشىن «گيدروكسيحلوروحين» ءدارىسى قولدانىلادى.
«بۇل پرەپارات اۋىرىپ جاتقانداردىڭ بەلگىلى ءبىر توبىنا جاقسى اسەر ەتۋدە. ءبارى دە ونى دۇرىس تاعايىنداپ، دۇرىس مولشەردە قولدانۋعا بايلانىستى» ، - دەيدى ول.
