ەلىمىزدە كوروناۆيرۋستىڭ ەكىنشى تولقىنى بولۋى مۇمكىن بە
نۇر- سۇلتان. قازاقپارات - ەپيدەميا باستالعالى جانساقتاۋ بولىمىنەن 69 سىرقات ەمدەلىپ شىعارىلعان.
بۇل تۋرالى ورتالىق كوممۋنيكاتسيالار قىزمەتىندە وتكەن ەلدەگى كوروناۆيرۋستىق ينفەكتسيا بويىنشا اعىمداعى جاعداي، سونىمەن قاتار قازاقستانداعى ۆاكتسينالاردىڭ ساپاسى مەن ساتىپ الۋلارى تۋرالى بريفينگتە ايتىلدى، دەپ حابارلايدى قازاقپارات ءتىلشىسى.
«بۇل جاڭا ۆيرۋس، جاڭا ەپيدەميا بولعاننان كەيىن ونىڭ ەكىنشى تولقىنى بولاتىن- بولمايتىنىن ايتۋ، بولجاۋ وتە قيىن. ءبىز بىرتىندەپ، باقىلاپ كورۋىمىز كەرەك. كەيبىر مەملەكەتتە اۋىرعاندار سانى ءوسۋى قايتا بايقالىپ جاتىر. سونى بولدىرماۋ ءۇشىن كارانتين شارالارىن دۇرىس ساقتاۋىمىز كەرەك» ، - دەيدى ق ر د س م تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ ءتوراعاسى تيمۋر سۇلتانعازيەۆ. ونىڭ ايتۋىنشا، ەلىمىزدە ەپيدەميا باستالعالى بەرى 16 ناۋقاس وكپەنى جاساندى جەلدەتۋ اپپاراتىنان ەمدەلىپ شىققان.
«قازىرگى ۋاقىتتا 7 سىرقات جاساندى تىنىل الۋ اپپاراتىمەن جاتىر. جالپى العاندا، ەپيدەميا باستالعالى جانساقتاۋ بولىمىنەن 69 سىرقات ەمدەلىپ شىقتى» ، - دەيدى ول.
